Albistea entzun

Bruselak auzitara joko du, EBko hiru herrik ez dituztelako iheslariak hartu

Txekiak, Hungariak eta Poloniak ez dute aintzat ere hartu errefuxiatuak lekualdatzeko EBren plana

Amagoia Mujika Tolaretxipi -

2017ko abenduak 8

Ez dago Europako Batasunean herrialderik EBk errefuxiatuak hartzeko jarritako kuotak bete dituena. Baina badira hiru herri —Txekia, Polonia eta Hungaria— EBk agindutakoa aintzat ere ez hartzea erabaki dutenak. Europar Kontseiluak auzibidea zabaldu zien joan den ekainean, diziplina hausteagatik, alegia, EBren araudiari jarraikiz gehiengo kualifikatuz hartutako erabakia berena ez egiteagatik, eta hilabeteotan bere horretan mantendu direla-eta erabaki du EBk Europako Justizia Auzitegira bideratzea afera. Honela argudiatu du batzordeak urrats bat aurrera egiteko arrazoia: «EBko Justizia Auzitegiak errefuxiatuak banatzeko egitarauaren baliotasuna baieztatu duen arren, Txekiak, Poloniak eta Hungariak betebehar juridikoak bete gabe jarraitzen dute».

Europar Kontseiluak 2015ean erabaki zuen Italiara eta Greziara iritsi ziren errefuxiatuetatik 160.000 EBko herrietan banatzea —oso kopuru txikia da, iristen direnak kontuan hartuz gero—, eta plana betetzeko epea joan den irailean amaitu zen. 30.000 errefuxiatu soilik hartu dituzte guztira, eta herri horien aurkako ekinbiderik ez da egon; beraz, ez dituzte errefuxiatu gehiago hartuko. Hori dela eta, beste plan bat proposatuko du Donald Tusk kontseiluko presidenteak. Ez da egongo bete beharreko kuotarik; borondatezkoa izango da, baina pizgarriak izango dituzte iheslariak hartzea erabakitzen duten herriek. Tusken proposamena datorren astean eztabaidatuko dute. Ez dute erabakiko gutxienez datorren ekainera arte, baina datorren astekoak balioko du ikusteko estatukideek zer pentsatzen duten ekinaldiaz.

Libian harrapaturik

Europako Batasuna zenbakiez hitz egiten ari den bitartean, beste neurri batzuk hartzen ari da Saharaz hegoaldetik Libiara iritsitakoak etxera itzularazteko plana, besteak beste. Joan den astean, Europako Batasunak eta Afrikako Batasunak goi bilera bat egin zuten, eta handik ateratako egitasmoa jarriko du martxan Afrikako Batasunak: Nazio Batuen Erakundeak babesten duen Libiako Gobernuarekin elkarlanean ariko da —hiru gobernutan banatuta dago Libia—, bere kanpalekuetan dauden immigranteak sorlekura itzultzeko aukera emanez. Asmoa da sei astean 20.000 immigrante afrikarrek egitea atzerako bidea. EBk parte hartze zuzena izango du, eta, hain zuzen, Angela Merkel Alemaniako kantzilerra Fayez al-Serraj Libiako lehen ministroarekin egon zen atzo, kanpalekuetako «baldintza jasangaitzak» hobetzea eskatzeko. Merkelek nahi du NBEk eta Migrazioetarako Nazioarteko Erakundeak kudeatzea kanpaleku horiek. Al-Serrajek, ordea, gogoratu dio 500.000 immigrante daudela egun Libian —gutxienez—, eta haien egoera hobetzea ez dagokiola soilik berari.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ebrahim Raisi Irango presidentea (eskuinean), herenegun, Teherango Unibertsitatean, Ikasle Egunaren ospakizunerako ekitaldi batean. ©EFE

Iranek herritar bat exekutatu du, hilabeteotako protestekin lotuta

Gorka Berasategi Otamendi

Estatuko indarren agente bat labanaz zauritzea egotzi diote kondenatuari. Protesten harira auzipetutakoen arteko lehen exekuzio jakinarazia da. Irango justiziak gehiago iragarri ditu
Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.