Albistea entzun

Udal hauteskundeak egingo dituzte Venezuelan, oposiziorik gabe

MUDek bozei boikot egingo die, «iruzurra» egon zela uste duelako urriaren 10eko bozetan gobernadoreak hautatzerakoan
Erika Farias Caracaserako chavisten hautagaia.
Erika Farias Caracaserako chavisten hautagaia. MIGUEL GUTIERREZ / EFE Tamaina handiagoan ikusi

Iosu Alberdi -

2017ko abenduak 9

Udal hauteskundeak egingo dituzte etzi Venezuelan, gobernuaren eta oposizioaren arteko negoziazio mahaia Santo Domingon (Dominikar Errepublika) bildu eta astebetera. Herrialdeko 335 herri eta hirietako biztanleek euren udal ordezkariak aukeratuko dituzte. Chavismoaren garaipen argia espero dute, oposizioko alderdi nagusiek ez aurkezteko erabakia hartu baitute. Horiek jada 2018ko presidentetzarako hauteskundeei begira jarri dira, oraindik horietarako datarik zehaztu ez den arren.

MUD Batasun Demokratikorako Mahaia oposizioko koalizioak «iruzurra» salatu zuen urriaren 10ean gobernadoreak hautatzeko egindako bozetan, eta horregatik erabaki du oraingoan ez aurkeztea. Halere, koalizioko alderdi guztiek ez dute bat egin erabakiarekin, eta Garai Berri Bat eta Aurrerakada Progresista alderdiek euren hautagaiak aurkeztu dituzte iganderako.

Venezuelako Datanalisis inkesta etxeko presidente Luis Vicente Leonen arabera —nahiko zorrotzak izaten dira etxe horren inkestak—, oposizioaren porrot bat da egun koalizioak bizi duen egoera: «Ez du oposizio formalak irabazten, ez baitute abstentzioa osoa izatea lortuko, prozesuaren legitimitate falta erakusteko, ezta oposizioko hautagai matxinoek ere, oposizioaren zati handi batek bozkatzeari uko egingo baitio».

Izan ere, aurten egin diren beste bi hauteskundeek, Biltzar Konstituziogile Nazionalerakoek eta gobernazioetarakoek, oposizioaren barne gatazkak areagotu dituzte, eta bananduta iritsi dira boz hauetara. Esaterako, oposizioak lortutako bost gobernadoreetatik lauk —24 dira guztira— Biltzar Konstituziogile Nazionalari men egitea onartu zuten, MUDeko alderdi nagusien nahien aurka.

Uztailaren 30eko Biltzar Konstituziogileko hauteskundeetan abstentzioaren alde egin zuen oposizioko koalizioak, eta ez zituen emaitzak onartu. Egun, 2013ko udal hauteskundeetako emaitzei esker, koalizio ofizialistak 254 alkatetza ditu, eta MUD oposizioko koalizioak, berriz, 81.

Azken gobernazioa jokoan

Udal hauteskundeak egiteaz gain, Zuliako estatuko gobernadorea ere aukeratuko dute hango herritarrek. Hautatzeko geratzen den azken gobernazioa da Zulia. Oposizioak indar handia du han, eta azken Biltzar Nazionalerako hauteskundeetan estatuari dagozkion hamabost diputatuetatik hamahiru eskuratu zituzten. Halere, oposizioaren abstentzioaren aldeko joerak chavismoari eman diezaioke gobernadore kargua.

Negoziazioak

Gobernuaren eta oposizioaren arteko negoziazioak martxan direla egingo dituzte bozak. Abenduaren 1ean eta 2an bildu ziren lehen aldiz bi aldeak, eta abenduaren 15ean elkartuko dira berriro.

Aste hasieran, ordea, Jorge Rodriguez Informazio ministroak adierazi zuen ez dutela hauteskundeetara deituko, ezta inongo akordiorik sinatuko ere, «Venezuelako eskuinaren buruak eskatutako» nazioarteko zigor ekonomikoei amaiera ematen ez bazaie. Ministroaren esanetan, zigor horiek atzerrian botikak eta elikagaiak erostea galarazi dio gobernuari.

Oposizioak adierazi du elkarrizketen alde dagoela, baina «neurriz» hartu beharra dagoela. Aurretik egin diren bi elkarrizketa saiotan oposizioa izan da mahaitik altxatzen lehena. Oposizioak legebiltzarraren funtzioak berrezartzea eskatzen du —desakatoan dago—, eta presidentetzarako hauteskundeek, besteak beste, AEE Amerikako Estatuen Erakundearen ikuskaritza izatea eta «preso politiko» deritzenak aske uztea eskatu dituzte. Gobernuak, berriz, astelehenean adierazi zuen parlamentua berrezartzeari uko egiten diola.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Fernando Grande-Marlaska Espainiako Barne ministroa, gaurko agerraldian, Espainiako Kongresuan ©J.C. Hidalgo / EFE

Grande-Marlaskak berriz esan du Espainian ez zela inor hil Melillako hesia igarotzeko ahaleginean

Ander Perez Zala

Espainiako Barne ministroak Guardia Zibila defendatu du, argudiatuta segurtasun indarren erantzuna «proportzionala» izan zela. Ikerketa batzuen arabera, gutxienez lagun bat hil zen Espainian sartzean.

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...