Albistea entzun

Brasilgo Munduko Kopa

'Liverpool' da hitz gakoa

Liverpool titulurako lehiara eraman duten sei jokalari ariko dira gaur: Ingalaterran, Jones, Gerrard, Henderson, Sterling eta Sturridge; eta, Uruguain, Luis Suarez.
Ingalaterrako selekzioko jokalariak, Rio de Janeiron egindako entrenamendu batean.
Ingalaterrako selekzioko jokalariak, Rio de Janeiron egindako entrenamendu batean. DANIEL DEL ZENNARO / EFE

Julen Etxeberria -

2014ko ekainak 19

Manchester Cityk irabazi du aurten Ingalaterrako liga. Sasoiko ezustea, ordea, Liverpool izan da, azken jardunaldira arte izan baita lehian 24 urte geroago titulua eskuratzeko.

Erdibidean geratu izanagatik, Liverpoolen loraldiak aire freskoa eraman du Ingalaterrako ligara. Roy Hodgson selekzioko hautatzaileak argi ikusi du, eta aire horrek selekzioa freska dezan saiatu da. Ez du izan oztoporik, hainbat behi sakraturen babesa izan baitu. «Egungo Liverpool litzateke eredurik aproposena selekzioarentzat. Hori egiteak freskotasuna ekarriko luke. Egungo Liverpool Manchester United onenaren pare dago». Paul Scholes handiaren hitzak dira.

Esan eta egin. Sasoi honetan Brendan Rogersen aginduetara nabarmendu diren jokalari guztiak deitu ditu Hodgsonek: Glen Johnson atzelaria, Steven Gerrard, Jordan Henderson eta Raheem Sterling erdilariak eta Daniel Sturridge aurrelaria. Bost deabru gorri dira. Inoiz baino gehiago. Guztiek jokatu zuten hasieratik estreinakoan, Italiaren aurka.

Johnson eta Gerrard beteranoak dira —29 eta 34 urte dituzte—, baina sasoi honetan gaztetu egin dira taldearen jardun bikainak lagunduta. Gerrardek, adibidez, hamahiru gol sartu ditu —2008-09ko sasoian sartu zituen gol gehiago: hamasei—, eta hori ohi pauso bat atzerago jokatu duela.

Hendersonek, Sterlingek eta Sturridgek ez dute gaztetu beharrik, gazteak baitira jada: 24 urte dute aurreneko biek, eta 19 hirugarrenak. Sterling eta Sturridgeren kasuak bitxiak dira. Sterling Jamaikan jaio zen, eta Londresen hazi. Errebelde hutsa zen gaztetan. 10 urte zituela eskolako irakasle batek bi destino aurreikusi zizkion 17 urte zituenerako: Ingalaterrako selekzioan jokatuko zuen edo kartzelan egongo zen. 2012ko azaroan egin zuen debuta selekzioarekin, 18 urte bete gabe. Sturridgek, berriz, argia ikusi du, Manchester City, Chelsea eta Boltonen itzalean aritu eta gero. 21 gol sartu ditu, bere ibilbidean sasoi batean sartutako halako bi. Brasilen ere gol senari eusten dio: Sturridgek sartu zuen Ingalaterraren gola Italiaren aurka.

Liverpoolen loraldia, hala ere, ezin da ulertu Luis Suarezen ekarpena kontuan hartu gabe. Aurrelari uruguaitarrak sasoi ikusgarria egin du. 31 gol sartu ditu. Ia hogei urte egin behar dira atzera Ingalaterran kopuru hori gainditu duen jokalari baten berri izateko. Alan Shearer izan zen. 34 gol sartu zituen 1994-95eko sasoian Blackburn Roversekin. Ordutik jokalari bakar bat aritu da Luis Suarezen pare: Cristiano Ronaldo. Portugaldarrak ere 31 gol sartu zituen 2007-08ko sasoian Manchester Unitedekin. Hain zuzen, Luis Suarezek eta Cristiano Ronaldok berdindu egin dute aurten Europako liga nagusietan gol gehien sartu dutenen sailkapenean.

'Salbatzailea' osatu da

Gaur, ordea, Liverpooleko zaleek gustura ikusiko lukete Luis Suarez etsita, atea zulatu ezinik —osatu egin da—. Uruguaiko selekzioaren kalterako litzateke, eta Ingalaterrakoaren mesedetan. Bi selekzio horiek lehia erabakigarria jokatuko baitute gaur. Erabakigarria, biek galdu egin baitzuten estreinakoan. Galtzeko moduak, ordea, oso bestelakoak izan ziren: Ingalaterrak itxura ona eman zuen; Uruguaik, ordea, barruraino sartu zuen hanka, Costa Ricaren aurka irabazten hasi eta gero astindua jasota (3-1). Gaur, ordea, biek izango dute presio bera, galtzaileak agur esango baitu ia ziur.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©UNAI ZABALETA

«Eibarrekin Lehen Mailara igotzea baino ez daukat buruan»

Iñaki Berastegi

Etxean bikain abiatu du sasoia Eibarrek, baina etxetik kanpo, nahi eta ezin. Arbillaren ustez, partida guztiak irabazteko «gosea» izan behar du taldeak igoeragatik borrokatzeko.
Realeko Franssi eta Betiseko Leles, lehian, atzo Zubietan jokatutako norgehiagokan. ©ANDONI CANELLADA / FOKU

Merezi izatea ez da nahikoa izan

Ainara Arratibel Gascon

Realak puntu batekin konformatu behar izan du Betisen aurka. Nagusi izan da, baina gola sartu diote bi jokaldi soltetan, lehen zatiaren bukaeran eta bigarrenaren hasieran

Annemiek van Vleuten, podiumean, ortzadar maillota soinean, eta urrezko domina kolkoan. ©DEAN LEWINS / EFE

Lesioak ere ez du urrundu ortzadarretik

Beñat Mujika Telleria

Annemiek van Vleuten da munduko txapeldun berria. Giroaren, Tourraren eta Vueltaren ondoren, pokerra lortu du Herbehereetakoak
Nerea Arruti, garaipena ospatzen. ©Idoia Zabaleta / FOKU

Nerea Arrutik eta Andoni Iruretagoienak irabazi dute Euskal Pentatloia

Edu Lartzanguren

Iruretagoiena bigarren urtez nagusitu da. Iazko irabazle Karmele Gisasola bigarren geratu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...