Albistea entzun

Kataluniako hauteskundeak. IRITZIA

Zutik

Poliziak eta herritarrak aurrez aurre, urriaren 1ean, Bartzelonan.
Poliziak eta herritarrak aurrez aurre, urriaren 1ean, Bartzelonan. A. ESTEVEZ / EFE Tamaina handiagoan ikusi

David Fernandez - Kazetaria

2017ko abenduak 24

«Hamar eta huts irabazteko egoeran gaude»

Soraya Saenz de Santamaria

Zutik zutik da. Hemerotekaren aurka ere bai. Gaur berriz hara jotzeak pistak eta pautak ematen ditu. Eta pozen bat. Badakigu, orain dela gau batzuetatik, botere gehiegikeria dagoen tokian, erresistentzia dagoela. Bakarrik elkarrekin garela gai. Bat jotzen badute, denok jotzen gaituztela, eta kaleak beti izango direla gureak eta denonak. Aurpegia agian hautsi diezaguketela, baina ez irribarrea. Eta borrokatzen duen herriak ez duela sekula galtzen. Ados. Ikasi dugu.

Urriaren 1eko Espainiako Erresumaren porrota latza bezain kategorikoa izan zen. Komunitatea menpekotasunaren aurrean, duintasuna basakeriaren aurka, desobedientzia inposizioaren aurrean. Jendearen onena, estatuaren txarrenaren aurka. Termodinamika errepresiboa, ordaintzen ditugu eta ordainduko ditugu ondorio tamalgarriak. Bi hilabetean, abenduaren 21ean, estatuaren bigarren porrot kategorikoa. Batez ere, estatu demofobiko baten helburu nagusiari erreparatzen badiogu: gehiengoaren borondate demokratikoa eraldatzea —bortxatzea—. D. Cospedalen agindu inkisitorialak entzutea merezi du gaur, M. Rajoyk emanak: «Hauteskunde hauek bloke konstituzionalistak irabaz ditzan antolatu dira».

Eta orduan? Botere sistema oso batek —zehazki, oso batek— porrot egin du, bumeran efektuarekin, saiakera kolpista postmodernoarekin. Kolpe, beldur eta mehatxuak —mediatiko, polizial, judizial eta politikoak— nahasitako sistema oso batek galdu egin du zutik eusten saiatu garenon aurrean. Zutik zehazki zutik da: ez onartzea bidegabekeriarik, ezta inposiziorik ere. Ostegunetik airea arnasgarriagoa da, baina ez gaitezen engaina: ez dezagun gutxietsi botere baten ankerkeria; botere horrek, irabazten duenean, zigortu egiten baitu, eta, galtzen duenean, jazarri.

Berrespena eta erresistentzia, estatuaren estrategia kolapsatzeak beldurrak ez duela irabazi ere esan nahi du. Eta beldurrak ez badu irabazten —Frommek dixit— askatasunek irabazten dute. Analitika ezegokia da ohiko prisma erabiltzea salbuespenezko hauteskundeetan. Dilema demokraziaren eta salbuespenaren artekoa zen. Askatasunaren edo errepresioaren artekoa. Despistatuentzat: estatu kolpe bat geldiaraztea aski ezkerrekoa eta lehengoratzailea da. Urriaren 1ean 2,3 milioi lagunek Auzitegi Konstituzionalaren legeei desobeditzea eraldatzailea, askatzailea eta antiautoritarioa den legez. Botere elite guztiak aurka izateak ezkerrekoa dirudien legez, edota erreparatzea nola ez den ezta oasi ere lotsaren Europako Batasunaren ameskeria katalanista. Egia: Gerra Estatuak berean jarraituko du. Gaur zailago daukate. Guk jarraitzen dugu erraz eduki gabe. Baina jarraitzen dugu.

Aurrean bide ezezaguna badago, atzean ihes egiten diogun guztia dago. Baldin badakigu herri bat bere jendea dela, horrenbeste desberdintasunen aurka, agenda sozialen, dinamika konstituziogileen eta laborategi errepublikanoen garaia da. Mahukak jaso, zutik, inoiz baino gehiago. Errepublika eremu politiko ez-despotikoak eraikitzea da, eta azken urteotan eraldatze sozialerako ireki ditugun aukera guztiak zabaltzea. Errepublika duintasuna partekatzea da. Atzera ez egiteko erabaki umila. Bederatzigarren negua krisian. Spanish Inquisition reloaded. Bukatzen ari da 2017a, urriaren 1eko urtea, zeinetan errepublika izan nahian herri izaten ikasi baikenuen. Inflexio puntu bat. 78ko dilema oraindik: goitik itxi nahi dutena behetik irekitzen jarraitzea tokatzen da. Baina zutik zutik da. Presoei gutunak idazten dizkiegun bitartean, esateko baietz, jarraitzen dugula, beraiengatik, eusten. Eta etxean nahi ditugula.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte
Mauna Loa sumendia ©@USGSVolcanoes

Hawaiiko Mauna Loa piztu da, munduko sumendi aktiborik handiena

Julen Otaegi Leonet

Duela ia 40 urte piztu zen azkenekoz. Oraingoz, sumendiak ez ditu «mehatxatu» inguruko herriak.

Gerald Darmanin Frantziak Barne eta Itsasoz Haraindiko ministroa —irudiaren erdian—, gaur, Noumean, bilkura batean ©@GDarmanin

Darmaninek «elkarrizketei berriz ekitea» jarri du helburutzat Kaledonia Berrian

Ander Perez Zala

Urtebetean baino gehiagoan lehen aldiz, independentistek baiezkoa eman diote negoziazioetan parte hartzeari.

Zero COVID neurrien aurkako manifestariak, bart, Pekinen. ©MARK R. CRISTINO / EFE

Milaka lagun kalera irten dira Txinan, Zero COVID politiken aurkako protestetan

Paulo Ostolaza

Herrialdeko hiri nagusietan izan dira protestak, tartean, Pekin hiriburuan. Urumqi hiriko sute batean hamar lagun hil izanak leherrarazi ditu manifestazioak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.