Umorea eta ironia (Charlie Hebdo aldizkarian), festa herrikoia (Nizako Ingelesen pasealekuan), diskoteketako giroa (Parisko Bataclan-en eta Istanbulgo Reinan), bizipoza (Berlingo zirtzil-merkatuan)... Brastakoan, gizakiak gizakiaren kontra obratutako tragediaren garrasia atera zaio bizia bizitzen ari zen jende anonimoari. Kointzidentzia hutsa da festaren, dibertsioaren, bizitzaren ospakizun diren hainbat plaza aukeratu izana atentatuetarako? Toki jendetsuak izatea da elkarren arteko lotura nagusia?
Bila daitezke beste batzuk. Tartean, hona bat: monoteismoek beste munduan jarria dute esperantza, han lortuko omen dugu zorion betea. Hango hura paradisu, gure hemengo hau pasadizo hutsa: mundua antsiz ta negarrez gainezkatutako negar-herri bat dela esaten digu Salbe katolikoak. Halatan, erlijio-sentipen muturrekoenen arabera, dibertsioak apartatu egiten gaitu bizitzaren benetako zentzutik eta urrutiratu paradisuko zoriona irabaztetik.
HITZ BESTE
Poza etsai
Iruzkinak
Ez dago iruzkinik
Ordenatu