Anjel Lertxundi.
HITZ BESTE

Gargantuarena

2017ko urtarrilaren 5a
00:00
Entzun
Ez zaizu inoiz gertatu? Debate edo gestioren batean fundamentuzko ikuspuntu berriren bat defendatu duzu zorroztasun guztiarekin, eta, handik gutxira, zure hurbilekoren batek zure ideia huraxe baliatu ez du ba ideia bere kabutatik sortua balitz bezalako harrotasun osoz? Poztu egin behar zenuke: izatez, zu zara irabazle intelektual benetakoa, zure ideiak aurrera egin baitu. Baina zure nartzisismoak nola irentsiko du lapurreta, eta, batez ere, nola hasiko zara esaten: e, aizu, ideia hori nik eman nizun! Izorrapraskuren batek laster esango lizuke inportantea ez dela norena den ideia, ideia bera baizik.

Nartzisismo pipertuarekin imajinatzen ditut Albert Rivera eta beretarrak, tripak jaten, latza behar baitu eguneroko eszenak: Rajoy beren arteko akordioaren puntuak bereak balira bezala erabiltzen, Gargantuarena egiten interesatzen zaiona soilik irentsiz, protagonismo guztia bereganatzen. Ondo merezia dute Riveratarrek: fidatzeagatik.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.