Taberna bateko komun zikinean pintada garbi bat: «Zaindu ametsak». Mezuak ez du komun batean idazten diren ohiko pintaden estilorik, gustura jakingo nuke zer bulkada klase dagoen ametsak zaintzeko gomendioaren atzean. Baina mezuaren balizko motibazioen gainetik, mezua bera dago pareta zikinean garbi: ametsak zaintzeko eskatzen dit. Jokatzeko loreak zaintzen direnean bezala. Pintadaren arabera, nire ametsek beren edertasuna gorde dezaten saiatu beharko nuke; ez daitezela ihartu; ureztatu ditzadala sarri; ez daitezela egarriz hil. Ametsak amets diren bitartean dira ederrak, esaten ari zait mezua. Iparrorratzak dira, gidak, desioak. Sekula guztiz gauzatzen ez diren utopiak. Mundu justu hobeago baten premiaren aurrean jartzen gaituzte ametsek, baina, aldi berean, sekula lortuko ez duguna marrazten digute.
Ezin ziurtatu komun zikin bateko pintada garbiaren egileak hori guztia zerabilenik buruan.
HITZ BESTE
Zaindu ametsak
Iruzkinak
Ez dago iruzkinik
Ordenatu
