Kafka gurean

Laguna pipertuta dabil administrazioarekin. Autopistan ibiltzeko laguntzak galtzeko mehatxu egin zioten, eta benetan galdu dituenak bi egun izan dira paper-endredo betean Foru Aldunditik Bidegira, inork argitu ez dion txandrio baten kulpaz. Lagunak beste bi egun galdu ditu Segurtasun Sozialeko leihatila batetik bestera berak bilatu gabeko kaos baten erdian, paper-saltsa leihatilakoen gustura maneiatu arte. Orain aste batzuk herriko TAOk ez zionisun baten deskargua onartu eskaeran azaroak 31 data jartzeagatik, eta beste isun bat jarri nahi zioten 31 egun eskutik balu bezala tranpa egiteagatik. Administrazioa ehiza-zakur amorratua dela, hori izan da bota didan gozoena. Eta bertan lan egiten duen asko, berriz, eskoba-kirten tenteak gurekin, otzanak arauekin.

Lagunak pausa egin du, irribarre atsegina atera zaio. Burokraziak gauza bakarra duela ona: «Administrazioa halakoa izan ez balitz ez genian Kafka ezagutuko!».