Anjel Lertxundi.
HITZ BESTE

'Danborrontzio'

2017ko urtarrilaren 21a
00:00
Entzun
«Ei, danborrontzio, lasaitu pixka bat!», esan dio bilobari. Seguru asko, aitona da mundu mundialeko lehen pertsona danborrontzio esan duena. Askotan ateratzen ez zaio ba alferrontzio edo baldarrontzia, biloben sexuen arabera gaztelaniazko o/a erantsiz alferrontziri edo baldarrontziri bezala ontzi itsatsita daramaten hitzontzi edo mainontzi gisako hitz konposatuei?Behar bada egunen batean aizan, pozontzia! aterako zaio; beste batean, aizak babontzio!

Erdal generoaren inbasioa? Milioika mikroorganismo pilatzen zaizkigu ahoan. Halatsu hizkuntzan ere. Beharrezkoak dira gehienak, bizigarriak, naturalak; badira erasokorrak ere, batzuk integra daitezkeenak premia espresiboen arabera, beste batzuk hondagarriak. Eta ahoa zaindu beharra dago, noski, baina ur puruak hil egiten duen bezala, mikroorganismo puru-puruekin bakarrik hizkuntzak auto-defentsarako indarra galtzen du.

Bide batez: danborrontziok danborra jo eta jo segitzen du.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.