Zer pentsatua ematen du (edo ez), baina berez da atentzioa deitzekoa loteria-eguna izatea —fortuna jainkotzen duen sineskeria bat— Gabon-zikloaren atari, festa hauen funtsa omen denean Jainkoa gizon jaio izanaren fortuna.
Zer pentsatua ematen du (edo ez), baina berez da ulergaitza egunotako kontsumitu eta kontsumitu behar konpultsiboarekin ondratu nahia pobrezian jaio eta merkatariak tenplutik bota zituena.
Zer pentsatua ematen du (edo ez), baina berez da logikaren kontrakoa borondate oneko gizakiei bakea ekartzera etorri eta kristauak izatea haren mezua gehien urratzen duten lurrak,edo/eta kristauak izatea munduko gerra gehienen protagonistak.
Zer pentsatua ematen du (edo ez), baina berez da bitxia ikustea nola jartzen dugun jaiotzetan elur zuri-zuri irinezkoa, elur urri-urri benetakoa desagertzen eta desagertzen ari den bitartean lur-azaletik, nonbait gure eraginarengatik.
Zer pentsatua ematen du. Edo ez.
HITZ BESTE
Zer pentsatua
Iruzkinak
Ez dago iruzkinik
Ordenatu
