Albistea entzun

HITZ BESTE

Hadi ikusezin!

Anjel Lertxundi -

2017ko otsailak 26

Mozorrotuko banintz, ikusezin, baina ez Wellsen Gizon ikusezinak bezala mundua izorratzeko, baizik nadin ikusezin! esan eta ikusezintasuna bizitzeko, eta hartan, hadi ikusezin! entzun nuen jende-barailaren erditik, eta banketxe aurreko heskale povrearen ondoan eseri ninduen ahotsak, eta orduak egin nituen jendearen indiferentzia pasadakoari begira, hadi ikusezin!, eta andre ijito baratxuri-saltzailearen ondoan egin nuen herrian barrena jendearen mespretxu artean, hadi ikusezin!, eta erosketa-poltsa garraiatu ezinik zihoan agure ezindu bati segitu nion begirune-eza totalaren kaletik pixa- eta zoko-usaina zerion bere etxeraino, hadi ikusezin!, eta mozorroen festa-giroan inoiz detektatu ez nituen keinu, broma, mespretxu eta irain matxisten, xenofoboen, klasisten lekuko izan nintzen, hadi ikusezin!, eta jendeak zapaldu egiten ninduen, tu egiten zidan, erreparorik gabe botatzen zidan bere zabor guztia nire gain ikusezinera.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.