HITZ BESTE

Fartsa eta faltsia

Anjel Lertxundi -

2017ko martxoak 9

Platoaren erdian, Mediterraneoa emigranteez lepo gurutzatzen dituzten ontzien neurriko baltsa pneumatiko bat. Publikoko laurogei pertsona, seriotasun zeremoniatsuz, sortu dira bertan eta bata bestearen kontra pega-pega eginda jarri. Apenas mugi daitezke. Itomena. Serio-serio segitzen dute. Ez naiz nor esateko ontzian sartu direnen kabitu-ezinaren laztura ez dela sentitua, barru-barrutik sortua. Baina bertan daude aurkezlea eta halako programen farfaila guztia ere. Ez da posible hainbeste banalizazio! atera zaizu.

«Lehen pertsonan bizi izan ditugu emigranteen itomena eta tragedia», zioen Antena3 kateak El Hormiguero programaren promozioan. EITBko programa polemikoan, Miren Gaztañagak gaia fikzioaren bidetik ez tratatu izanari egotzi zion, besteak beste, okerra. Arrazoi du. Gizakiak zerbaitegatik asmatu zuen fikzioa: fikzioaren distantziak lortzen duena espektakuluak hondatu egiten du, tragedia fartsa eta faltsia bihurtuz.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna