Autoak, maldan behera zihoala kamioi bat aurreratzen, talka kontrako bidean zetorren autoarekin. Hiru hildako, tartean autoan zihoazen biak. Hedabideek errumaniarrak zirela esan dute, eta Gipuzkoako Aldundiak esan du giza faktoreari egotzi behar zaizkiola lurraldeko errepideetan urte hasieratik gertatzen ari diren istripuak. Giza faktorea. Bi errumaniar. Behin eta berriro esan zaigu pakistandarrak zirela pasaporteak faltsutzen zituztenak RGIa kobratzeko. Giza faktorea. Pakistandarrak. Futbola gustatzen ez zaiona ere enteratzeko moduan errepikatu dute turkiar jatorriko aleman bat zela Barçak Champiosen aurrera egitea ahalbideratu zuen epaile txistularia. Giza faktorea. Alemana, paperetan; baina, ai baina, azken finean turko petoa.
Hedabide gehienei esker (?) jatorri-marka gaitzeslea, salatzailea, arbuiatzailea bihurtzen denean... 'Ikusita zegoen nongoak izango ziren!', esatera iristen garen gure giza faktore xenofobo hori...
HITZ BESTE
Giza faktorea
Iruzkinak
Ez dago iruzkinik
Ordenatu