Mozala eta makila

PPren gehiengo absolutuak Mozal legea aprobatu zuenean, lotuta nahi gintuzten txakur amorratuak lotzen diren gisa. Legearen filosofia ez da herritarrokin fidatzen: susmagarriak gara, gaizkile potentzialak haizeak nondik joko. Orain, gehiengorik gabe, mozal legea egokitu, makilatu (txukundu adieran), adabakitu, malgutu nahi dute, baina ez abolitu.Debateak, negoziaketak. Baina zuk eman eta nik hartu, legearen filosofiak berean jarraituko du, popularrek ez dute etsi nahiko horretan, genetan daramate. Oposizioarentzat, aldiz, legea atzera pauso zibil handia da eta makilaje batzuk praktikatuagatik legeak ez dio atzera buelta izateari utziko: derogatzen ez badute, saihets giharretan segituko dugu sentitzen, nahiz pixka bat disimulatuago, makilatu hitzaren bigarren adiera.

Bitartean, Jeltzaleak txerpolari lanetan, orekari eutsi ezinik popularrekin txikordatutako itunaren soka gainean. Interesgarria dator, ekarriko du ezustekorik.