Gela erdi ilunpetan dago. Butaka bat leihoaren ondoan, eta bertan, emakume bat begirada galduta. Galdua du irribarrea ere, lañotasunarenlinboan. Gizaseme bat agertu da yogur bat eskuan duela eta, makurturik, ematen hasi zaio goilaretxo batez. Atearen hotsa. Argia piztu da eta mutil gazte lerden bat agertu da maletatxo beltz batekin. Musu eman dio emakumeari, kolpetxo bat bizkarrean gizonari: «Aita, noiz hartu behar duzu laguntzaile bat? Zoaz kalera, neu geldituko naiz. Zer egiten duzu egun osoan hemen sartuta alferrik?». «Gogoratu, horixe egiten diat, gogoratu», pentsatu du gizonak, baina ez du ezer esan. «Gogoratu hire amak nik baino hobeto gordetzen zituenak, gogora ekarri hire ama ahazten joan den guztia. Ez, gogoratzea ez diat alferrikako lana, hire ama zaintzeko indarra biltzea baizik!».
Aitaren barne-hizketak iraun duen bitartean, semeak maleta beltza zabaldu du. Eskuko ordenagailu bat atera du bertatik. Lanean hasi da.
HITZ BESTE
Gogoratzen
Iruzkinak
Ez dago iruzkinik
Ordenatu