Albistea entzun

Aste Nagusiko jai eredua indartu egin dela dio Bilboko Bilduk

«Errealitatea onartzeko» eta «festak ez zapuzteko» eskatu dio PPri Aitziber Ibaibarriagak
Aitziber Ibaibarriaga, atzo, jaien balorazioa egiten.
Aitziber Ibaibarriaga, atzo, jaien balorazioa egiten. MONIKA DEL VALLE / ARGAZKI PRESS

Lander Muñagorri Garmendia -

2013ko abuztuak 27 - Bilbo

Bilboko Aste Nagusia amaituta, jaien eredua «indartu» egin dela esan du Aitziber Ibaibarriaga Udaleko Bilduko bozeramaileak. «Bilbotar gehienek babesten duten eredua da, hiritarrengandik gertu dagoelako». Bederatzi eguneko ospakizunetan Aste Nagusiko ikonoak inoiz baino ageriago geratu direla uste du. Are gehiago txupineraren kasuan. Jaiak hasi aurreko astean Bilboko Administrazio Auzitegiak jai hasiera iragartzen zuen txupina botatzea debekatu zion Jone Artola txupinerari. Agindu hori bete arren, zenbait ekitalditan traje ofiziala jantzita parte hartu du. Eztabaida antzua izan dela esan du Ibaibarriagak, horrek txupineraren irudia indartzeko besterik ez duelako balio izan. Edozein modutan, «aurreikuspenak gainditu dituela» nabarmendu du.

Carlos Urkijo Espainiako Gobernuko ordezkariaren eskaerari erantzunez ezarri zitzaion Artolari debekua, eta horregatik eskaera zuzena egin dio Ibaibarriagak PPri: jai eredu hori onartu dezala, «festak zapuztu ez ditzan». Errotutako eredua dela esan du, eta txupineraren debeku saiakerarekin Urkijo «barregarri» geratu dela. «Bozetan irabazi ezin dutena epaitegien bidetik lortu nahi izan du». Baina eraso saiakera hori «kontrako bidetik atera zaie», bere esanetan.

Jai ereduaren pribatizazioa

Ibaibarriagaren kritika ez da PPra mugatu soilik. Udalak jai eredua aldatzeko duen asmoa ere salatu gura izan du. Horren adibidetzat jarri du aurten Aste Nagusiko kontzertu nagusiak gutxitu izana. «Bi urtean erdira jaitsi dira kontzertuak». Gainera, zuzeneko emanaldi horietara bideratzen den dirua —600.000 euro— uztailean egiten den BBK Live musika jaialdi pribatuaren erdia dela kritikatu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Marbore tontorrera iritsi berri, argiak kolokatzeko lanetan jarri ziren parte hartzaileak. ©MIKEL EGIBAR

Bide eder bat tontorrera

Iosu Alberdi

Gure Esku-k antolatutako egitasmoa bizitzeko moduak askotarikoak izan dira. Mendi garaiago edo txikiagoetara igo, lagunarteko giroa nabarmendu dute parte hartzaileek.
Bakartxo Tejeria Eusko Legebiltzarreko lehendakariak harrera egin zien Josu Etxaburu eta Amalur Alvarez Gure Esku-ko bozeramaileei ekainaren 22an. ©E. P. / FOKU
Bakartxo Tejeria Eusko Legebiltzarreko lehendakariak harrera egin zien Josu Etxaburu eta Amalur Alvarez Gure Esku-ko bozeramaileei ekainaren 22an. ©E. P. / FOKU
Zurekin Nafarroa koalizio berriaren aurkezpena, atzo. ©ENDIKA PORTILLO / FOKU

Zurekin Nafarroa ezkerreko koalizioa aurkeztu dute

Yasmine Khris

Ahal Dugu, Ezkerra, Batzarre eta independenteen talde bat batu dira, «ezker feminista, berde eta transformatzailearen» indar berria izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...