Koalizioari eustearen truke

Sozialdemokratek bultzatuta, Alemaniako Parlamentuak sexu bereko pertsonen arteko ezkontza arautu du. Angela Merkel kantzilerrak kontra bozkatu du. Legeztatu duen 23. herrialdea da
Bi emakumezko, atzo, elkarri muxu ematen Berlinen, Brandenburgoko Atean, parlamentuak hartutako erabakiaren berri izan ostean.
Bi emakumezko, atzo, elkarri muxu ematen Berlinen, Brandenburgoko Atean, parlamentuak hartutako erabakiaren berri izan ostean. FELIPE TRUEBA / EFE Tamaina handiagoan ikusi

Igor Susaeta -

2017ko uztailak 1

Alemaniako Parlamenturako bozak datorren irailaren 24an egingo dituzte; alderdiak ez dira kanpaina egiten hasi oraindik, baina esan daiteke kanpainaurrean daudela jada. Joan den igandean, ezohiko kongresua antolatu zuten SPD Alderdi Sozialdemokratako kideek, eta erabaki zuten baietz, prest daudela, azken legegintzaldian egin bezala (2013-2017), CDU Batasun Kristau Demokratarekin aliatu eta bideratzeko Angela Merkel kantziler eta berriro irabazteko faborito nagusiaren laugarren legegintzaldia —2005eko azarotik da Alemaniako gobernuburua—. Koalizioa berritzeko, baina, baldintza ezinbesteko bat jarri zuten: sexu bereko pertsonen ezkontza arautzea. Eta koalizio horri eustearen truke, Merkelek bidea ireki zion bozketari, eta, gainera, norberaren kontzientziaren araberako bozketa batera deitu zuen, alderdien diziplina alboratuta. Bozkatu zuten, atzo, Bundestagen, parlamentuan, eta SPDren, Berdeen, Die Linke ezkerreko alderdiaren, baita CDUko diputatuen laurdenaren babesarekin ere, aurrera atera dute sexu bereko pertsonen ezkontzaren legea,eta legeztatzen duen munduko 23. herrialdea bihurtu ziren.

393 diputatuk bozkatu zuten baietz, eta 226k, Merkelek barne, ezetz. Pentsatzekoa zen kontra bozkatuko zuela, baina azken egunetan auziarekiko jarrera aldaketa bat sumatu da kantzilerrarengan. Homosexualen arteko ezkontzak arautzearen kontrako iritzia eduki du orain arte, baina lehengo astelehenean, aldizkari batek antolatutako ekitaldi batean, galdetu zioten horri buruz, eta esan zuen norberaren «kontzientziaren araberako botoa» onartzeko prest zegoela.

Bozketa bukatu ondoren mintzatu zen Merkel:«Nire iritziz, ezkontza, konstituzioan, emakumezko eta gizonezko baten arteko ezkontza da, eta horregatik ez dut babestu proiektua». Kontzientziaren araberako bozketari bide emanda, alderdikideen kritikak entzun behar izan ditu kantzilerrak —Bavaria landerreko CSU alderdiko bere kideak CDUkoak baino kontserbadoreagoak dira—, baina badaki hartutako erabakiak kanpaina arinduko diola.

Martin Schulzi galdetu zioten ea Merkelen erabakiak intentzio taktikorik ote zuen, baina SPDko hautagaiak ez zuen CDUkoaren jarrera baloratu. Leporatu zion, ordea, gobernuburu gisa Bundestagean hitza ez hartzea, bere ezezkoa arrazoitu zezan.

Die Linkekoek eta Berdeek pozez hartu zuten erabakia, urteak daramatzatelako LGTBI kolektiboko kideen eskubideak aldarrikatzen. Erika Steinbach diputatua, aldiz, gogor mintzatu zen. CDUkoa zen, baina, urtearen hasieran, alderdia uztea erabaki zuen, Merkelek migrazio politikan hartutako erabakien ondorioz. Haren esanetan, sexu bereko pertsonen arteko ezkontza legeztatzeak «konstituzioa ezeztatzen du». Kontuak kontu, Alemaniako Diskriminazioaren Kontrako Bulegoak inkesta bat kaleratu zuen joan den urtarrilean, eta, horren arabera, alemaniarren %82 homosexualen arteko ezkontzak onartzearen alde daude. Legea urte bukaera baino lehenago sartuko da indarrean.

EBkoen erdiak ere ez

Azken hamazazpi urteotan, 23 herrialdetan arautu dute sexu bereko pertsonen arteko ezkontza. Herbehereak izan ziren aurrenekoak, 2000n. Geroztik, Europan, beste hamabik legeztatu dute. EB Europako Batasuna 28 estatuk osatzen dute, eta, hamabostetan, ez dago onartuta. Herrialde horietako gehienak ekialdekoak dira, baina Italian eta Grezian ere ez dago araututa, esaterako.

Laster, 24. batean onartuko dute. Izan ere, Taiwanen legeztatu dute jada, Gorenaren ustez, konstituzioaren aurkakoa baita indarrean dagoen legea. Asiako aurrenekoa litzateke. Afrikan, aldiz, herrialde bakarrean dago araututa, Hegoafrikan. Munduko herrialde askotan delitutzat hartzen dira sexu bereko pertsonen arteko harremanak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Igor Susaeta

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna