Albistea entzun
Emakumeen aurkako indarkeriari ez
Emakumeen aurkako indarkeriari ez

Donostiako Nazioarteko 62. Zinemaldia. Zabaltegi. Aitor Arregi. Zinemagilea

«Obsesioak indar narratibo handia du»

Kimuak programarako hautatua izan ondoren, Zabaltegi sailean dago ikusgai egunotan Aitor Arregiren 'Zarautzen erosi zuen', obsesio batek mendean hartzen duen dendari bati buruzko fikzioko film laburra.
JAGOBA MANTEROLA / ARGAZKI PRESS

Juan Luis Zabala -

2014ko irailak 20 - Donostia

Bere arropa dendan izandako gertaera itxuraz ez bereziki larri bat obsesio bihurtzen zaio Mireni, Aitor Arregiren (Oñati, 1977) Zarautzen erosi zuen film laburrean. Anekdota xume batetik abiatuta, tentsio giroa eta are itolarria ere transmititzen du Aitor Arregiren Zarautzen erosi zuen 15 minutuko film laburrak. Nagore Aranburu, Ainere Tolosa eta Gotzon Sanchez ditu aktore nagusiak.

Ezer larririk gertatzen ez bazaio ere, Miren sufritzen ikusten da zure filmean, edozein ikusleren enpatia sor dezaketen egoera batzuetan.

Film labur bikain asko daude beste era batekoak, jakina, baina niri asko gustatzen zaizkit istorio sinple bat kontatuz, egunerokotasun handiko istorio anekdotiko bat kontatuz, beste kontzeptu batzuk lantzen dituzten filmak. Nik, segurtasuna bilatzeko edo, neuri gertatutakoak edo ingurukoek kontatutakoak hartzen ditut oinarritzat, eta antzeko gauzak bizi izan dituztenekin hitz egiten dut, informatzeko... Saiatzen naiz istorio enpatikoak bilatzen. Agian errazagoa delako; edo gertutik sentitutako zerbaitekin lan eginez erosoago sentitzen naizelako. Gustatzen zait pertsonaiak zerbait proiektatzea ikuslearengana, ikusleak sentitzea gauza bera edo antzeko zerbait bizi izan duela.

Kontatzen dena drama ikaragarria ez bada ere, tentsio handia transmititzen du filmak, itolarri moduko bat…

Nahiaren eta ezinaren arteko talka bat dago istorioan. Miren oso konbentzituta dago, erabakia du zer esan behar dion Jaioneri, baina gero, errealitatea parean jartzen zaionean, ezina agertzen da. Oso humanoa iruditzen zait hori. Batzuetan uste duzu Clint Eastwooden antzera begiratu eta bestea urtu egingo duzula zure begiradarekin, baina gero konturatzen zara zeu zarela urtzen zarena. Buruan sortzen dugun eszena idealaren eta errealitatearen arteko talka hori oso interesgarria iruditzen zait.

Txikikeria bat izan behar zuena obsesioa bihurtzen da.

Obsesioak indar narratibo handia du. Ikusle moduan gozatu egiten dut ondo kontatutako istorio obsesiboekin. Hor ere identifikatuta sentitzen naizelako. Uste dut ia denok pasa dugula obsesio fase bat, berez txikikeria den gai batekin berotuta, bizitza aldatuko ligukeen zerbait balitz bezala.

Tolosako inauterietan filmatua da amaierako eszena. Zer moduz moldatu zineten?

Beldurrez joan ginen, baina oso ondo etorri zitzaigun hango giroa, arreta puntu pila bat zegoelako inguruan. Gure ondotik hainbeste karroza eta konpartsa pasatzen zenez, jendea ez zen guri eta gure kamerei begira geratzen.

Orain arte, marrazki bizidunetan eta dokumentaletan egin duzu lan batik bat. Hau da zuk zuzendutako lehen film laburra?

Esan daiteke baietz. Lucio film dokumentalean [Jose Mari Goenagarekin batera zuzendu zuen] bada errekreazio zati bat, eta hamar bat egunez egin genuen lan fikzio bat grabatzen. Hori da fikzioan eta aktoreekin lan eginez aurretik, profesionalki, zuzendari gisa egin dudan lan bakarra.

Film laburra, zuretzat, berezko balioa duen genero autonomoa da, ala urrats bat film luzeak zuzentzera iristeko bidean?

Bi alderdiak ikusten ditut ondo. Lehen uste nuen film laburrak jendea ezagutzeko eta konplizitateak sortzeko bide bat zirela, horiei esker film luzeak zuzendu ahal izateko. Orain jabetu naiz berezko balioa eta interesa ere badutela. Istorio batzuk laburrak dira, film laburra izatea eskatzen dute, zoragarriak izan daitezke hamar minututan kontatuta, edo minutu bakar batean. Film labur batzuek sekulako maila dute.

Aurrerantzean zer egingo duzu zinemaren munduan?

Moriartiko kidea naiz, eta Moriartin era guztietako lanak egiten ditugu denok: zuzendu, ekoitzi, gidoiak idatzi… Askotan ez dakizu nondik joko duzun. Film luze bat zuzentzeko gogoa badut, baina zuhurtasun handiz esaten dut hori, horrelako proiektu bat eraiki eta martxan jartzea oso lan handia baita... Moriartin proiektu batzuk daude bidean, baina oraindik ziurtatu gabe. Beraz, ez dakit zer lanetan ariko naizen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

<b>Amurrioko saioa.</b> Joan den larunbateko saioa, Amurrioko Bañueta kiroldegian. ©GARI GARAIALDE

Iristen aurren, eta joaten azken

Miren Mujika Telleria

Baionan jokatuko da gaur Bertsolari Txapelketa Nagusiko bigarren itzuliko bigarren saioa. Ohi bezala, 17:00etan hasiko da. Aulki, soinu eta foku; pronto izango dira den-denak ordurako. Bertsozale Elkarteko ekoizpen taldeak du horren ardura. Zein da, baina, horren atzean dagoen inurri lana?
Indar Trabesen lehen kontzertua fikzioan irudikatzen, herenegun, Mutrikuko Venezia diskotekan. ©JON URBE / FOKU

Itoiz taldearen lehen printzak

Jone Bastida Alzuru

Doxa ekoiztetxea eta Larraitz Zuazo zuzendaria Itoiz taldeari buruzko pelikula bat prestatzen ari dira, dokumentalaren eta fikzioaren artean mugitzen dena. Mutrikun izan dira filmatzen.

Ekoetxea Urdaibaik hizkuntza indigenen erakusketa bat jarri du ikusgai. ©Monika del Valle / Foku

Hizkuntza jasangarriak

Amaia Igartua Aristondo - Bizkaiko Hitza

Busturiko Urdaibaiko Ekoetxeak erakusketa batean bildu ditu 11 hizkuntzatan emandako testu batzuk eta haien euskarazko itzulpenak: 'Hizkuntza indigenak, Ama Lurra zaintzen'. Abenduaren 18ra bitartean bisitatu ahalko da.

 ©Andoni Canellada / FOKU

Sustrai Colina: «Lanketa guztiak abiatzen dira pertsona gisa zaren horretatik»

Joanes Etxebarria - Ipar Euskal Herriko Hitza

Sustrai Colina Bertsolari Txapelketa Nagusiko finalista izan da azken bost aldietan. Aurten, finalerdien lehen itzuliko saioa irabazi du, eta gaur Baionan kantatuko du, bigarren itzulian. Gogo «handiz» ariko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...