Reggae, Ska eta Punk parranda

Tarragonako Bongo Botrako seikoteak kontzertua emango du gaur Ondarroako Kafe Antzokian
Bongo Botrako taldea Ondarroako Kafe Antzokian izango da gaur.
Bongo Botrako taldea Ondarroako Kafe Antzokian izango da gaur. BERRIA

Ainhoa Arano -

2011ko abenduak 7

Hiru urte daramatza Tarragonan (Herrialde Katalanak) sortutako Bongo Botrako taldeak kontzertuak ematen; gaur, Ondarroako Kafe Antzokian izango dira. Aurreko urtean kaleratu zuten euren lehendabiziko diskoa Todos los días sale el sol, eta horko Ei Chipiron! abestiarekin entzutetsu bihurtu dira.

Runba, reggae, ska, eta punk parranda deritzoten estiloak fusionatzen ditu lehendabiziko lan horrek. Baina, bereziki, alaitasuna da taldeak zabaldu nahi duen sentimendua, «mugarik eta konplexurik gabeko alaitasuna». Izan ere, Tarragonako Alaitasunaren enparantzan egin zituzten lehen urratsak. Melodia itsaskorrez eta baikortasunez jositako hitzez janzten dira abestiak; «Kantu zintzo eta benetakoak sortzea da asmoa». Ez hori bakarrik, mugetatik haratago zabalduko diren mezuak eransten dituzte erritmo bizien artean.

Lehendabiziko lanaren produkzioan Mano Negra eta Radio Remba etxeen laguntza izan dute. Diskoa aurkezteko biraren barruan, deskantsatzeko tarte bat hartuko du taldeak abendua ostean. Ondarroan egingo duten kontzertua izango da, beraz, denboraldi batean taldea Euskal Herrian ikusteko azkeneko aukera. Energiaz beteriko zuzenekoa hasi aurretik DJ Elepunto deitutakoak berotuko du giroa.

BONGO BOTRAKO ETA DJ ELEPUNTO

Noiz. Gaur, 22:30ean.

Non. Ondarroako Kafe Antzokian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna