Noiz sortua: 2011-11-29 00:30:00

Krisiaren tripak agerian

Gaur 'Inside Job' filma emango dute Bilbon; Charles Fergusonen lan horrek krisiaren eragileak ditu ardatz
<em>Inside Job</em>, Charles Fergusonen azken dokumentalaren azala.
Inside Job, Charles Fergusonen azken dokumentalaren azala. BERRIA

Ainhoa Arano -

2011ko azaroak 29
«Krisi hau ez da izan istripu bat», dokumentalaren bihotza islatzen dute bertatik jasotako hitz horiek. Ideia horren inguruan josten da gaur Bilbon emango duten Inside Job filma: krisia Wall Streeteko gobernuaren barnelana da.

Munduko egitura ekonomikoa kolokan den honetan, Charles Fergusonek (Los Angeles, AEB, 1955) zuzendutako filmak dokumentalik onenaren saria jaso zuen Oscarretan. Filmak argazki bat atera nahi dio 2008an hasi zen krisi ekonomikoari; Europak duen zorpetzearen eta herrialde garatuetako ekonomien ezegonkortasunaren tripak erakusten dira. Hots, arazoaren berezko izaera eta eragileak aurkezten dira, era gordinean. Finantza arloak 80ko hamarkadaz geroztik ahalbidetu duen iruzurkeria hartzen du abiapuntutzat filmak. Bankarien, aseguru saltzaileen, politikarien, agentzien, burokraten, unibertsitateko irakasleen eta bestelako aktoreen ustelkeria salatu nahi du. Ikerketa zabal bat eta finantza, politika eta komunikazio munduko pertsonei egindako elkarrizketak ditu oinarri filmak. Zuzendariaren esanetan, azken hamarkadako industriaren aberastasun azkarraren ondorioz, ez da eragilerik espetxeratu, bilioika dolarren galerak eragin dituzten iruzurren atzean egonda ere. Hori dela eta, erantzunkizunak eskatzeko bide izan nahi du dokumentalak.

'INSIDE JOB'

Noiz. Gaur, 19:45ean.

Non. Bilbon, Karmen

aretoan (Indautxu plazan).

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Urkullu lehendakaria. ©Irekia

Lehen kasutik "ahalegin handia" egin zutela esan du Urkulluk

Berria

Urtarrilaren 22tik otsailaren 28ra –lehen kasua agertu zen eguna– "ahalegin handia" egin zutela esan du Urkulluk, "prestatzeko eta koordinatzeko". Bataz bestean %9tik gora handitu da langabezia Hego Euskal Herrian. Nafarroako datua nabarmentzeka da: %9,96 handitu da herrialdean, eta, ondorioz, 3.600 langabe gehiago daude.

Langilerik gabeko obra bat, asteartean, Elgoibarren. ©Jagoba Manterola / Foku

Martxoan, 14.364 langabe gehiago Hegoaldean

Iker Aranburu

Aldi baterako kontratua zutenak izan dira krisiaren lehen kaltetuak.

Madriolen egindako COP25aren irudi bat, batzarra zuzentzen Txileko lehendakaritza mahaian dagoela. ©Efe

Bertan behera geratu da COP26 klima aldaketari buruzko goi bilera

Iñaki Petxarroman

COVID-19 pandemiak eragindako egoeragatik erabaki dute NBE Nazio Batuen Erakundeak eta Erresuma Batuko Gobernuak Glasgowko ekitaldia atzeratzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna