Noiz sortua: 2012-02-07 00:30:00

Sare sozialetan, pertsonalki

Sareko narrazioan komunikazio pertsonalak duen garrantziaz hitz egingo du Alvaro Andoinek
Alvaro Andoin Filmatuko kidea da ikastaroko hizlaria.
Alvaro Andoin Filmatuko kidea da ikastaroko hizlaria. BERRIA

Ainhoa Arano -

2012ko otsailak 7

Gaur Digital Storytelling: Narrazio teknikak aplikatzea komunikazio sare sozialetan doako ikastaroa emango du Alvaro Andoinek, Donostiako Teknologia Parkeko eraikin nagusian. Filmatu zerbitzuko kidea da Alvaro Andoin. Ikastaroaren helburua, noberaren buruaren ezagutzatik hasita, istorioak kontatzeko modu berriak aztertzea da.

Masa komunikazioaren iritsierarekin, norbanakoak istorioak kontatzetik istorioak kontsumitzera egin zuen jauzi. Duela gutxi, ordea, berriro aldatu da egoera. Gailu eramangarri aurreratuen arrakastarekin (iPhone, tableta...), multimedia sorrerako baliabideen erabilgarritasunarekin eta sare sozialen hedapenarekin, norbanakoa istorio kontalari da berriz ere. Istorioak partekatzea erraza da, baina istorio berezi bat kontatzea ez da batere erraza, eta are gutxiago, nahi dugun ororengana heltzea. «Sozialki baino, pertsonalki kontatzea garrantzitsuagoa da», dio Andoinek. Norbanakoak istorio propioa bilatzea da gakoa. Sare sozialetako edukiak narrazio modura egituratzeak mezua hobeto ulertzeko eta komunikatzeko modua ematen du. Ikastaroan sakelakoen multimedia baliabideak zeintzuk diren eta zertarako erabil daitezkeen azalduko du Andoinek, eta zuzenean eta sare sozialetan komunikatzeko gakoak aztertuko ditu.

HITZALDIA

Noiz. Gaur, 09:00etatik 12:00etara bitartean.

Non. Donostian, Teknologia Parkeko eraikin nagusian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna