Albistea entzun

Palmondo olioaren orban zabala

Bioerregaiak sortzeko egitasmoek sortzen dituzten kalteez mintzatuko dira Durangon

Erredakzioa -

2011ko abenduak 23

Olioak uzten duen orbana kentzea oso zaila da, eta olio mota batzuena, are zailagoa. Ekologistak Martxan taldeak gaurko Bilbon antolatu duen hitzaldian, palmondo olioak Indonesiako gizartean zein naturan eragiten ari den kaltea azalduko dute.

Indonesian ez ezik, Kolonbian, Hondurasen, Guatemalan eta Mozambiken ere gero eta zabalagoak dira palmondo sailak. Landare horren olioarekin bioerregaiak egiten dituzte, eta Mendebaldera esportatzen dituzte, petrolioaren ordezko ekologiko gisa saltzeko.

Indonesian horrek duen eragina bertatik bertara ezagutzen duten gonbidatuak entzun ahalko dira gaur. Karmele Llanos albaitari bilbotarrak zortzi urte daramatza Asia hegoaldeko herrialdean. Orangutanen bizilekuak palmondo sailetatik salbatzeko lanean ari da. Horrekin batera, Arantza de la Acha egongo da. Unescorentzat lan egiten du, Indonesian. Eneko Garmendia duela gutxi itzuli da herrialde hartatik, eta ikerketa bat egiten ari da, geure ekonomiaren eta Indonesiako palmondo olioaren ekoizpenaren arteko lotura argitzeko. Horiekin batera, EHNEko Paul Nicholson arituko da. Nekazaritza industria handiaren aurka eta nekazari txikien alde dabil borrokan, munduan zein Euskal Herrian.

'INDONESIAKO PALMONDO OLIOA'

Noiz. Gaur, 19:30ean, Pinondo etxean, Durangon (Bizkaia).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...