Albistea entzun

Soinuaren angelu guztiak

Akordeoia eta soinu jotzaileak omentzeko kontzertu bat egingo dute, Beñat Axiarik gidatuta
Galtxetaburu soinu jotzailea arituko da, besteak beste, Angelun.
Galtxetaburu soinu jotzailea arituko da, besteak beste, Angelun. BOB EDME

Erredakzioa -

2012ko apirilak 3

Soinuari hauspo ematea eta Euskal Herrian izan eta diren soinu jotzaileei omenaldi egitea zen antolatzaileen asmoa. Horretarako, askatasun osoa eman diote Beñat Axiari abeslariari. Hark gonbidatu dituen musikariak agertuko dira gaur jendaurrean, Angelun (Lapurdi), eta Axiarik berak aurkeztuko ditu.

Philippe Ezkurrak zabalduko du jaialdia. Donibane Lohizunen sortu zen, 1974. urtean, eta 9 urte zituenetik dabil soinua jotzen. Hainbat sari jaso ditu. Besteak beste, entzuleek 2003. urtean Arrasateko nazioarteko lehiaketan emandakoa. Herri doinuez gain, Johann Sebastian Bach, Luciano Berio eta besteren piezak grabatu ditu. Askotan aritu da Axiari abeslariari laguntzen.

Jesus Aured arituko da ondoren, Gael Domenger dantzariarekin batera. Arbasoen oroimena aztertuko dute biek, Mahmud Darwish poeta palestinarraren olerkietan oinarrituta.

Jean-Christian Irigoien Galtxetaburu edo Galtxet izango da hurrengoa (Donibane Garazi, Nafarroa Beherea, 1963). Musikari diskretua da, Piermaria etxeko markako akordeoi zaharren zalea, eta antzerki musikal alai bat taularatuko du.

Emanaldia amaitzeko, euskal musika eta Afrikako Mandinga herriaren erritmoak aireratuko dituzte Maitena Duhaldek, Erika Davillardek eta Oittan Indartek, soinu txikiekin.

SOINU JAIALDIA

Noiz. Gaur, 20:30ean.

Non. Barojaren zalditegian, Angelun, Lapurdin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.