Iparraldeko euskal kantaldia

Kursaalean 'Baionatik Donostiara' kontzertua emango dute gaur, eta, besteak beste, han izango da Errobi taldea

Niko Etxart eta Anje Duhalde, iaz Euskalduna jauregian egin zuten <em>Baionatik Bilbora</em> jaialdian. — Niko Etxart eta Anje Duhalde, iaz Euskalduna jauregian egin zuten *Baionatik Bilbora* jaialdian. MONIKA DEL VALLE / ARP

2012ko martxoak 11

Donostiako Zurriolako hondartza iparraldeko euskal kantutegiko doinu ederrenen erakusleiho izango da gaur. Kantu bakoitzak gordetzen dituen sentimenduak Euskal Herriko iraganean bidaiatzeko modua dira, bihotz eta buruetan itsasitako une gogoangarriak berpizteko aukera. Baionatik Donostiara kontzertuak Ipar Euskal Herriko musikari eta abeslari sorta bilduko ditu Donostiako Kursaal aretoan. Errobi taldea —Anje Duhalde eta Mixel Ducau—, Niko Etxart, Erramun Martikorena, Maialen Errotabehere, Naia Robles eta Pantxoa Carrere abeslariek, besteak beste, Ipar Euskal Herriko kantagintzaren errealiate bizi eta zirraragarria hurbilduko dute. Iparraldeko kantariak bereziki garrantzitsuak izan dira euskal nortasuna sendotzeko, eta geroa ere euren abestietan agertuko da. Horregatik, Euskadi Irratiak eta Elkar argitaletxeak Iparraldea Kantuz kantaldia bultzatu dute. iaz ere, Bilboko Euskalduna jauregian Baionatik Bilbora emanaldia antolatu zuten. Iparraldeko kanta, doinu eta mezuak hegoaldean zabaltzea da asmoa, eta, noski, Ipar Euskal Herriko kantagintzaren historia helaraztea; 1412ko Bereterretxeren kantoria-tik abiatu, Errobiren Eperra -rekin hegan egin, eta gaur eguneraino. Sarrerak 15 eta 35 euro bitartean daude.

'BAIONATIK DONOSTIARA'

Noiz. Gaur, 19:00etan.

Non. Donostiako Kursaal aretoan.

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Lantegiak itxita, Oñatin. ©Jagoba Manterola / Foku

Lehen positiboa atzeman dute Greziako kanpaleku batean

Greziako Migrazio Ministerioak adierazi du positibo bat atzeman dutela Ritsonako errefuxiatuentzako kanpalekuan. Herrialde hartako errefuxiatuentzako kanpaleku batean baieztatu duten lehen kasua da. Grezian, denera, 1.300 kasu inguru atzeman dituzte.

Mungiako taberna bat, ateak itxita. ©Aritz Loiola / Foku

Kuota atzeratu ahal izango dute autonomoek eta enpresa txikiek

Irune Lasa

Espainiako Gobernuak sari berezi bat sortu du etxeko langileentzat eta behin-behineko lana galdu dutenentzat. Alokairua ordaintzerik ez dutenak ezingo dituzte etxegabetu.

Langile bat lanean, Basauriko Sidenorren, artxiboko irudi batean ©Luis Jauregialtzo (Foku)

Enpresa batzuei irekitzeko aukera eman die Espainiako Gobenuak

Jokin Sagarzazu

Espainiako Gobernuak salbuespen batzuk sartu ditu funtsezkotzat jotzen ez diren jardueren funtzionamenduan, bereziki euren produkzioa esportaziora bideratzen duten enpresentzat —haien jarduera edozein dela ere—, eta itxieraren ondorioz merkatua galtzeko arriskuan dauden kasuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna