Albistea entzun

Trumpen migrazio betoa onartu du AEBetako Auzitegi Gorenak

Sei herrialde musulmanetako herritarrei AEBetara sartzea debekatuko zaie. NBEren Migrazio Itunetik ateratzeko erabakia hartu dute AEBek
Donald Trump, Etxe Zuriaren kanpoaldean, herenegun.
Donald Trump, Etxe Zuriaren kanpoaldean, herenegun. JIM LO SCALZO / EFE Tamaina handiagoan ikusi

Iosu Alberdi -

2017ko abenduak 6

AEBetako presidente Donald Trumpen migrazio betorako legea indarrean jartzea onartu du AEBetako Auzitegi Gorenak. Beste auzitegi batzuek legearen aurka hartutako erabakien ondorioz jarri zuen helegitea gobernuak, eta Gorenak arrazoia eman dio.

Betoa astelehenean jarriko da indarrean, behin-behinean, justiziak konstituzioaren mugak errespetatzen dituen erabaki bitartean. Beraz, gehiengo musulmana duten sei herrialdetako herritarrei AEBetarako sarrera debekatuko zaie, nahiz eta «legez» AEBetan bizi diren herritarrekin zuzeneko harremana izan: Txad, Iran, Libia, Somalia, Siria eta Yemen dira herrialde horiek.

Trumpen erabakiak protesta ugari eragin zituen, eta bi epailek betoa behin-behinean indargabetu zuten, gutxiengo erlijioso baten aurkako erabakia delakoan, eta, ondorioz, konstituzioaren aurkakoa.

Era berean, NBE Nazio Batuen Erakundeak babestutako Migrazio Seguru, Arautu eta Ordenaturako Nazioarteko Ituna uztea erabaki dute AEBek, gobernuaren immigrazio politikekin «inkoherentea» delako.

IOM Nazioarteko Migrazio Erakundearen esanetan, «zulo handi bat» uzten du Washingtonen erabakiak. «Urtean errefuxiatu gehien hartzen duen herrialdea da», adierazi du William Lacy Swingek, IOMko zuzendari nagusiak. Swingek, ordea, adierazi du itunetik atera arren akordioak lortzeko aukera irekita mantentzen dela.

Trumpek «immigrazio ilegalaren» aurka egiteko beharra ere azpimarratu du. 2017ko urte fiskalean 454.000 immigrante atxilotu dituzte AEBetan, deportatzeko asmoz. Segurtasun Nazionaleko Departamentuaren arabera, mugan atxilotutako immigrante kopurua %25 inguru jaitsi da aurten. Herrialde barruan atxilotutakoen kopurua, berriz, %25 igo da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lurrikara.

5.000tik gora dira oraingoz Ekialde Hurbileko seismoetan hildakoak

Arantxa Elizegi Egilegor - Mikel O. Iribar

Gau osoan zehar lanean jarraitu dute erreskate taldeek, baina toki askotan laguntzaren zain daude oraindik. Ohartarazi dute biktima kopurua handitu egingo dela datozen orduetan. Milaka dira kaltetuak, eta 20.000tik gora zaurituak. Erdoganek hiru hilabeteko larrialdi egoera ezarri du hamar probintziatan.

«Herrialdearen historiako lurrikararik okerrena izan da hau»

«Herrialdearen historiako lurrikararik okerrena izan da hau»

Orsola Casagrande

Kurdistanen krisi mahaia eratu du HDP alderdiak, laguntza kudeatu eta kaltetutako eremuetara iristeko. Aterpeak lortzea da orain lehentasuna Sancarrentzat.

Greziako kostazainen ontzi bat, artxiboko irudi batean. ©HELLENIC COAST GUARD / EFE

Gutxienez hiru migratzaile hil eta hogeitik gora desagertu dira Lesbostik gertu

Mikel O. Iribar

Kostazainek hamasei pertsona erreskatatu dituzte. Bizirik atera direnen esanetan, haien ontzia haitzen aurka jo ostean hondoratu da.

Palestinar bat astelehenean Jeriko hirian izandako tiroketen arrastoei begira. ©EFE

Israelgo armadak adin txikiko palestinar bat hil du tiroz

Berria

Gazteak haien kontra tiro egin zuela adierazi dute armadaren iturriek. Urte hasieratik gutxienez 42 palestinar hil ditu Israelek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...