Albistea entzun

BIRA

Neurria

Garbine Ubeda -

2015eko otsailak 22

Ikastolako neska asko, tuntun ikaragarriak ez ezik, super txoriburuak ere badira, nire alaben tropelak duen mundu ikuskera kontuan hartuz gero betiere. Mutilak, berriz, bakar bat onik ez eta hiper nazkanteak, alimaleko astakeriatan korapilatuta sarri. Mega baboak halakoak. Ui, eta irakasleak, horienak bai neurriak…

Nerabezaro goiztiarrak hartu dituela esan nezake, adin tarte horretan adjektibo orok behar duela handitzailea aurretik, nolakotasunek bere soilean aski baliorik ez duelako sortu zaigun talka adierazteko, estutasun horretatik pasa ginenok ondotxo dakigunez. Baina beren bizitza laburrean —eta batik bat nire erruz—, zenbat super/hiper merkatu, maxieroski, megadenda eta merkataritza zentro erraldoi ezagutu dituzten kontatu beharko nuke lehenago. Neurriz gaindiko zenbat azpiegitura, ekintza, borroka, haserre, adar-jotze, lehia eta makurkeria ikusten dugun egunero, kalean nahiz mota guztietako pantailetan, tamainak eta kantitateak hain fermuki lehenesteko. Zer ikusi hura ikasi.

Handikeriaren kulturan gaitzak ere hala modukoak. Hiper aktibitatea, hiper sentsibilitatea, Truman Show sindromea… Eta zertarako. Espezie bezala gero eta suntsitzaileago izateko, eta norbanako bezala inoiz baino inurriago eta ezdeusago sentitzeko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.