Noiz sortua: 2018-02-16 00:30:00

Ikurra lausotzen ari da

Cyril Ramaphosa izendatu dute Hegoafrikako presidente, Jacob Zumak amore eman ostean. ANCk datorren urtean emaitza onak lortzea izango du erronka
Pretoriako etxe batean ateratako irudi bat; Jacob Zuma, telebistako pantailan, eta Nelson Mandela hormako argazki batean.
Pretoriako etxe batean ateratako irudi bat; Jacob Zuma, telebistako pantailan, eta Nelson Mandela hormako argazki batean. KIM LUDBROOK / EFE Tamaina handiagoan ikusi

Kristina Berasain Tristan -

2018ko otsailak 16

Jacob Zumaren lekukoa hartu zuen atzo Cyril Ramaphosak. Hegoafrikako historia demokratikoko bosgarren presidente izendatu zuten atzo, eta erronka itzela du aurrean, izan ere, inoizko atakarik zailenean dago jatorrian askapen nazionalerako mugimendua izan zen alderdia. ANC Afrikako Kongresu Nazionala hegemonia galtzen ari da. Apartheid-aren osteko lehen bozetan, 1994an, botoen %62,65 eskuratu zituen. Nelson Mandela kartzelatik atera eta lau urtera egindako bozak ziren, eta, ordutik, hauteskunde guztietan nagusitu da. Azken hamarkadan, baina, nabarmena izan da alderdiaren boto galera. 2014an, botoen %64 bereganatu zuen herenegun amore eman zuen presidenteak, haren aurreneko bozetan baino lau puntu gutxiago, baina abuztuko udal hauteskundeetan orain arteko babes txikiena lortu zuen; botoen %53,91. Hiri asko galdu zituen, tartean hiriburua: Pretoria.

ANCren ikurra, bada, lausotzen ari da. Eta Ramaphosaren zeregina, hortaz, alderdia bideratzea, barne zatiketa iraultzea, eta datorren urtean egitekoak dituzten hauteskundeetan emaitza onak lortzea izango da. Ramaphosa Hegoafrikako historia demokratikoko bosgarren presidente bilakatu da —Nelson Mandela (1994-1999), Thabo Mbeki (1999-2008), Kgalema Motlanthe (2008-2009) eta Jacob Zumaren (2009-2018) ostean—. Eta agintari berriak bere asmoen xehetasunak gaur jakinaraziko baditu ere, nazioaren egoeraren inguruko agerraldian, atzoko ekitaldian aurreratu zuen «umiltasunez eta duintasunez» gobernatuko duela.

Jacob Zumaren agintaldiaren zantzuak ezabatzeko ahaleginean, argi utzi nahi izan du «herria» izango dela bere «lehentasuna». Ustekeriaren kontra eta oparotasunaren eta batasunaren alde egingo duela ere agindu du: «Ez diot herriari huts egingo, gogor egingo dut lan».

Zuma hainbat ustelkeria kasutan egon da murgilduta, eta haren sinesgarritasun politikoa erabat kolokan zegoenean eman behar izan du amore. Asteazken gauean eman zuen dimisioa, goizean karguari eusteko asmoa erakutsi bazuen ere, baina, azkenean, alderdiaren eskaera onartu zuen, gaur egitekoa zen zentsura mozioan galtzea baitzen beste aukera bakarra —abuztuan egin zuten haren kontrako azken zentzura mozioa eta orduan alderdiko 40 bat diputatuk haren kontra egin zuten—. ANCren erabakia «bidegabea eta justifikaziorik gabea» iruditzen zitzaiola zehaztu bazuen ere, «alderdiko kide diziplinatua» zela azpimarratu zuen Zumak: «ANC ez da nire izenean zatikatuko».

Hauteskundeak aurreratu

Alderdiaren higadura, dena den, agerikoa da, eta oposizioak ahultasun hori baliatu nahi du. DA Aliantza Demokratikoa da oposizioko alderdi nagusia, eta parlamentua desegiteko eta hauteskundeak aurreratzeko deia egin du —eskaera horrekin bat egin du ere EFF Askatasun Ekonomikorako Borrokalariak—.

DA da, gaur-gaurkoz, azalaren kolorearen araberako bereizketa ezartzen zuen sistema politikoa eraitsi zuen alderdiaren amesgaiztoa. Mandela presidentetzara iritsi zenean, botoen %1,73 baino ez zituen eskuratu, baina urteotan etengabe egin du gora, hiriburua bera eskuratu arte. Apartheid-aren kontrako jarrera hartu izan du alderdiak, baina, buruzagitzan zuriak izan ditu herrialdean biztanleen %79 beltzak direnean. Mmusi Maimaneren izendapenak, baina, dena aldatu du. DAko buruzagi beltzak hainbat gotorleku kendu dizkio ANCri. Eta, gaur egun, lau hamarkada iraun zuen erregimen arrazistaren itzalak erabat ezabatu ez badira ere, beltzek jada ez dute soilik arrazaren arabera bozkatzen.

Horixe bera zen Mandelaren ametsa; Francois Pienaar rugby selekzioko kapitaina egunen batean presidente izatea gustatuko litzaiokeela esan zuen behin buruzagi historikoak. Eta ANC 2025era arte egongo zela agintean. Haren hitzak sententzia bat ote diren esango du Ramaphosak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna