Noiz sortua: 2016-03-22 00:30:00

Osakidetzak negoziatzeko duen «borondate falta» salatu dute

Sindikatuen ustez, Osasun Saila «negoziazio itxurak» egiten ari da, eta ez dute aurrerapausorik ikusi.

1.079 lanpostuko eskaintza egingo du

Eskeine Legorburu -

2016ko martxoak 22

Haserre daude sindikatuetako ordezkariak. Atzo egin zuen Osakidetzako mahai sektorialak bilera Gasteizen, eta sindikatuen balorazioak ez dira onak izan: «Errespetu eta gardentasun falta», «modu desegokiak», «iruzurra» eta antzeko adierazpenak egin dituzte ordezkariek bileraren ondoren. Hamalau puntuko gai zerrenda zuten, baina otsailean egindako bileratik «aurrerapauso gutxi» ikusi dituzte sindikatuek. Aurtengo LEP lan eskaintza publikoa ere izan zuten hizpide: 1.079 lanpostu eskainiko ditu Osakidetzak, horietatik 929 txanda askekoak, eta 150 barne promoziokoak.

Lanpostuak 2014-2015eko LEPean eskaini ez ziren kategorietakoak edo lanpostu funtzionaletakoak izango dira. Lekualdatze lehiaketan iazko lanpostu kopuru eta kategoria berdinak zehaztu ditu, laborategiko teknikarien kasuan salbu, hautaketa eta hornikuntza prozesurik «aspaldian» ez delako egin. Langile kopurua ere handituko duela esan du Osakidetzak: 350 lanpostutik 450era igoko du eskaintza. Hala zehaztu du Osakidetzak. Sindikatuentzat, ordea, ez da nahikoa.

ELA sindikatuko Peio Igeregiren arabera, bileren helburua lausoa da: «Ez dakigu zertarako egiten ditugun, negoziatzeko edo horretan ari garenaren itxurak egiteko». Osakidetzak proposamen berririk egin gabe jarraitzen du, Igeregiren ustez, eta aldaketarako «borondaterik ere ez» du ikusten: «Sakoneko gaietan murrizketak egiten jarraitzen du».

Edurne Agirre LABeko ordezkariaren arabera, «denboran luzatzen ari den sasi negoziazioa» da Osakidetza egiten ari dena, «forma eta eduki aldetik desegokia». Mahai sektoriala metodologiarik eta egutegirik gabe biltzea eta Osakidetzak zehaztutako puntuak «bakarrik» lantzea kritikatu du Agirrek. «Horregatik, hitza hartzea egokitu zaigunean, mahaitik altxatzeko ditugun arrazoiak azaldu, eta negoziazioan txertatzeko bost puntu helarazi dizkiogu arduradunari».

UGTko Ana Vazquezen ustez, langileen eskubideak «marruskatzen» jarraitzen du Osakidetzak: «Lan baldintzak murrizten dituen zirriborro bat aurkeztu digute, eztabaida dezagun. Baina guk benetako negoziazio bat egotea eskatzen dugu. Langileenganako eta ordezkarienganako errespetu falta handia eta iruzurra izan da bilera».

CCOOrentzat, «gidoi, egitura eta emaitza bereko bilerekin aritzea ez da negoziatzea, eta itxura egiten ari dira». Osakidetzako langile talde osoaren kopuru zehatza eta datuak galdegin ditu, «modu eraginkorrean lan egin ahal izateko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna