Albistea entzun

Facebookek berriz zentsuratu du Chrysallisen kanpainako irudia

Gaztelerazko orriko irudiari baietza eman ostean, euskarazkoan kentzeko eskatu du. Elkarteak irudiko genitalak estali ditu, bi orrietan

Jon Rejado -

2017ko urtarrilak 13 - Gasteiz

Lau egunean bi aldiz zentsuratu du Facebookek Chrysallis Euskal Herria elkarteak abiarazitako kanpaina. Astelehenean hasi zuten Badira zakila duten neskak eta alua duten mutilak; horrelaxe da! lelodun egitasmoa; besteak beste, Facebooken jarri zuten kanpainaren marrazkia: lau haur biluzik, eskutik, korrika egiten. Irudian haurron genitalak ateratzen direla eta, Facebookek gaztelerazko leloa zuen irudia kentzeko eskatu zien astelehenean. Atzo, erabakia zuzendu, eta irudiari oniritzia eman zion; ordea, minutu batzuk geroago, euskarazko testua zuen irudia kentzeko eskatu zien: orria itxiko zietela, «garbitu» ezean. Hori ikusita, atariko irudien genitalak estaltzea erabaki du Chrysallisek, «arazoak saihesteko».

Oihartzun handia izaten ari da kanpaina. «Espero genuena aise gainditu du», adierazi du Bea Sever elkarteko kideak. Azaldu du Twitterren asko zabaldu dela, eta erantsi du Facebookeko gertakariak are oihartzun handiagoa eman diola. Ildo horretan, atzo bertan Nafarroako Parlamentuak babesa eman zion kanpainari, baita araudi «egoki» baten alde lan egiteko asmoa agertu ere. Severrek nabarmendu du egitasmoa aniztasunaren aldekoa dela: «Horrek denak ukitzen gaitu».

Kanpaina izaten ari den oihartzuna webgune berriari bultzada emateko baliatuko du elkarteak (chrysalliseh.eus). «Erreferentzia izatea nahi dugu, haurren transexualitateari buruz jakin nahi duen ororentzat: osasun arloko langileak, familiak...».

Horrez gain, administrazioekin lan egiten jarraitzeko beharra nabarmendu du. «Politikari askok lagundu dute kanpaina sare sozialetan zabaltzen; nahiko genuke babes hori gure aldarrikapenak aintzat hartzean ere islatzea». Eusko Jaurlaritzari eskatu diote familientzako arreta zerbitzu bat martxan jartzeko, eta hezkuntza protokoloaren barruan irakasleei prestakuntza emateko. «Paperean dago, baina ez dira egiten ari». Nafarroako Gobernua bi ildo horietan egiten ari den lanarekin «oso pozik» daude Chrysalliseko kideak, baina azaldu du osasun arloan arazo handiak dituztela.

Talde katoliko bat, aurka

Facebookekoa, ordea, ez da elkarteak jaso duen eraso bakarra. Madrilgo Centro Juridico Tomas Moro talde katolikoak eskaera bat egin dio Fiskaltzari: «adingabeak galbidean jartzeaz» akusatu dezan Chrysallis Euskal Herria. Talde katolikoaren hitzetan, kanpaina «gezurretan» ari da, eta «zientziaren aurka» egiten du. Interneten 5.000 sinadura jaso dituzte eskaera horren alde.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sololuzeri eta Beltrani egindako omenaldia, gaur, Zaldibarko Eitzaga auzoan. ©Aritz Loiola / Foku

Alberto Sololuze eta Joaquin Beltran omendu dituzte, eta gertatutakoa argitzeko eskatu

Paulo Ostolaza

Bihar beteko dira hiru urte Zaldibarko luizitik. Han hildako bi beharginei omenaldia egin die Zaldibar Argitu plataformak.

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.
Bi foruzain Ribaforadan, gaur, istripua izan duen autoa ikertzen. ©Foruzaingoa

Bi lagun hil eta beste bat larri zauritu dira Ribaforadan izandako auto istripu batean

Berria

Zuhaitz baten eta geldirik zegoen kamioi baten aurka jo du ibilgailuak. 07:00ak pasa berritan gertatu da ezbeharra.

Euskotrenen geltoki bat, artxiboko irudi batean. ©Jon Urbe / Foku

Gizon bat hil da Durangoko tren geltokian, trenbidera erorita

Berria

Nasatik erori da 54 urteko gizona, eta buruan hartu duen kolpearen ondorioz hil da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...