Albistea entzun

Angeluko gazte bat hil da, Cauteret mendian erorita

Pistatik kanpo eskiatzen ari zela izan zuen istripua, larunbatean.

Beste zazpi pertsona ere salbatu dituzte asteburuan mendian
Mendi erreskate baten artxiboko irudi bat.
Mendi erreskate baten artxiboko irudi bat. GREGORY YETCHMENIZA / EFE

Ekhi Erremundegi Beloki -

2015eko abenduak 8 - Baiona

Angeluko (Lapurdi) gazte bat hil zen larunbatean Cauteret mendiko (Okzitania) eski estazioan, eroriko baten ondorioz. 19 urteko gizonezkoa da zendutakoa. La Depeche du Midi egunkariaren arabera, gaztea pistatik kanpo eskiatzen ari zen Touyarolles eskualdean.

Pista gorriak eta beltzak daude han, eta pistetatik kanpo aritzeko aukera ere bada bazterretan; free ride zale anitz ibili ohi da eremu hartan. Kazeta horren arabera, harkaitz lerro baten gainetik salto egiten saiatu zen gaztea, eta erori; nekez irits daitekeen beheragoko harkaitz batzuen azpian aurkitu zuten sorosleek, konorterik gabe.

Angeluko gaztea Baionako ikasle talde batekin joana zen eskiatzera. Jendarmeriak ikerketa bat abiatu du istripua nola gertatu zen argitzeko. Asteburuan mendian hildako bigarren euskal herritarra da: larunbatean ere, Iruñeko mendizale bat zendu zen Acheriton (Espainia).

Zazpi erreskate asteburuan

Asteburu gatazkatsua izan dute sorospen zerbitzuek: zazpi erreskate egin dituzte Euskal Herriko mendietan. Igandean, bi talde salbatu zituen mendiko jendarmeriaren helikopteroak Iratin (Zuberoa) eta Biriatun (Lapurdi). Iratin, Okabe gainean galdu zen 32 urteko bikotearen bila joan behar izan zuten arratsalde erditsuan. Biriatun, argirik gabe ibiltzera joan eta bidean galdu zen 26 urteko Akizeko (Okzitania) bi gazteri lagundu behar izan zieten jendarmeek; iluntzean aurkitu zituzten, Pitara lepoaren inguruan.

Beste hiru mendizale ere erreskatatu dituzte Aralarko Malloen eremuan, Araitzen (Nafarroa); hirurak donostiarrak dira. Igandean izan zen lehen salbamendua: Balerdi menditik jaisten ari zela galdutako bikote batek sorospen zerbitzuei dei egin zien. Atzo, berriz, goizean Irumugarrieta menditik jaistean bidez tronpatu eta behe laino artean galdu zen pertsona batek eskatu zuen laguntza. Nafarroako suhiltzaileek eta Foruzaingoak hartu dute parte bi salbatzeko lanetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kontseiluko kide diren eragileetako ordezkariak, atzo, Durangoko San Agustin kulturgunean. ©MARISOL RAMIREZ / FOKU

Eskisabelek adostasuna eta «letra larriko politika» aldarrikatu ditu

Julen Aperribai

Euskararen biziberritzea «justiziari eta kohesio sozialari» lotutako auzia dela adierazi du idazkari nagusiak, eta aurreratu du balio horiekin bat egiten duten guztiekin ados jartzea izango duela xede.
ESIko kargugabetzeen harira egindako protesta, atzo, Donostian. ©JAVIER ETXEZARRETA / EFE

Egunero elkartuko dira ESIkoak, kargugabetuak berriz integratu arte

Oihana Teyseyre Koskarat

Osakidetzako krisia dela eta, elkarrizketarako «prest» agertu da Bingen Zupiria, baina adierazi du badirela «leku egokiak» mintzatzeko, hedabideetatik kanpo

EH Bilduren hezkuntza konferentzian aritutako hizlariak. ©MONIKA DEL VALLE / FOKU

Hezkuntza itunak «jauzia» ekartzea nahi du EH Bilduk

Gotzon Hermosilla

Hezkuntza konferentzia egin du Bilbon. Lege berriak koalizioaren ustez ekarri beharko lituzkeen urratsak zerrendatu ditu Otxandianok

 ©MARISOL RAMIREZ / FOKU

«Ume batek 3 urterekin ez badu hitz egiten, ja hasi behar da lantzen»

Irati Urdalleta Lete

Gutxi gorabehera bi urteko desfasea atzematen ari dira umeen hizketaren garapenean. Horrek izan ditzakeen ondorioez ohartarazi du Rodriguezek: «Hiztegi gutxiago daukate, ezagutza gutxiago dute...».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.