Albistea entzun

Pintura konbentzionala desagertu egin da ia Veneziako Biurtekotik

Atzo zabaldu zuten Arte Garaikideko bilgune garrantzitsua, eta azaroaren 24ra arte egongo da irekita

Agentziak -

2013ko ekainak 2 - Venezia

Bi urtez behin arte munduko begirada gehienek Venezia izaten dute jomuga. Han izaten dute bazka kritikari, salerosle, eta zaleek. Atzo zabaldu zuten, eta Angola da aurtengo herrialde gonbidatua. Edson Chagas artistaren formatu handiko 23 argazki-posterrek egiten diote ongietorria Angolako pabiloira doanari. Kritikariak dantzan jarri ohi ditu gehienetan Biurtekoak, han agertu ohi diren proposamen berritzaileak edota ezusteko joerak direla eta. Aurtengo ezaugarri nabarmenena —nahiz eta kontu berria ez den—, pintura obra konbentzionalak ia desagertu egin direla. Batez ere, bideo lanak eta instalazioak ikus daitezke azoka osatzen duten 88 pabiloietan.

Publikoarentzat zabaldu aurretik, adituek, gonbidatuek eta kazetariek izan dute Biurtekoa bisitatzeko aukera, eta Vadim Zakharov errusiarraren guneak eskuratu du arretarik handiena. Txanponen euri jasa bat irudikatzen duen instalazioa dauka ikusgai. Mitologian eta Danaeren historian oinarrituriko artelana da, dirua eta boterearen arteko harreman ustelaz mintzo dena. Tino Sehgal artista ingelesa sarituko du aurtengo Biurtekoak Urrezko Lehoiarekin, eta Maria Lassnig eta Marisa Mertzen ibilbideak ere omenduko ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, astelehen iluntzean, Bilboko Kafe Antzokiko Kutxa Beltza aretoan. ©ARITZ LOIOLA / FOKU

Gaur konta daitezkeen kantuak

Olatz Enzunza Mallona

Ruper Ordorika eta Joseba Sarrionandia askotariko gaiez solasean aritu dira 'Huntaz eta hartaz' emanaldian, elkarrekin izandako bizipenak ardatz hartuta. Astelehen iluntzean hasita, bihar arte egingo dituzte saioak, Bilboko Kafe Antzokiko Kutxa Beltza aretoan. Agortuta daude sarrera guztiak.

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Eneko Barberena idazlea, <em>Suak erreko ez balu</em> eleberria eskuan, Oñatin (Gipuzkoa). ©JON URBE / FOKU

Mendizale kiskalien beltza

Uxue Rey Gorraiz

'Suak erreko ez balu' nobela argitaratu du Eneko Barberenak, Txalapartarekin. (H)ilbeltza sormen beka irabazita eman du. Istorioak Aezkoan izaniko mendi sute bat du abiapuntu

Irene Larrañaga, <em>Insuladas</em> erakusketaren egilea, Donostiako Aquariumeko Nautilius aretoan. ©ANDONI CANELLADA / FOKU

'Insuladas', irla diren emakumeak

Miren Mujika Telleria

Bakarrik bizi diren andreak dira Irene Larrañagaren ‘Insuladas’ erakusketako protagonista.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...