Albistea entzun

PPk eta UPDk diote «ezjakinak» direla senideekin bildu direnak

Erredakzioa -

2015eko martxoak 5

Etxerat Europako Parlamentura joateagatik eta europarlamentariek horiei egin dien harreragatik haserre agertu dira PP eta UPD; minduta. Desadostasuna adierazteko agerraldia egin dute Teresa Jimenez Becerril eta Maite Pagazaurtundua PPko eta UPDko europarlamentariek Bruselan, parlamentuaren egoitzan. Presoen senideekin bildu direnak «ezjakinak» direla esan dute; haien kontakizunekin «engainatu» egin dituztela europarlamentariak. Horien artean aipatu dute Frank Engel, Luxenburgoko PPren ordezkaria dena. Europako PPko kideak eta ALDEkoak Etxerateko kideekin egon izana kritikatu dute. Lehen taldeko kide da PP, eta bigarrenekoa UPD. Engelek, sakabanaketa mantentzea ulertezina dela adierazi zuen, eta espetxe politika aldatu beharra aldarrikatu zuen.

Etxerat «giza eskubideen sehaskara» joan izana gaitzetsi du agerraldian Jimenez Becerrilek. Hori egiteagatik «lotsagabeak» izatea leporatu die. Pagazaurtunduak, berriz,«terrorismoaren biktimen sufrimendua eta hiltzaileen senideena berdindu nahi izatea» salatu du, eta, senideak «pena ematera» joan diren arren, preso horien «atzean» ETA dagoela ohartarazi du.

Quiroga kontu eske

Arantza Quiroga PPren EAEko presidentearen esanetan ere, Etxerat-ek erabili egin du europarlamentarien «borondate ona». Engelek bilera horietan «ezjakintasunagatik» parte hartu duela seguru agertu da, eta esan du senideek «bere pena» kontatu arren ez dutela «pena horren sorburua» aipatu. Eta, horren guztiaren oinarrian, ETA dagoela ohartarazi du.

Europako PPren europarlamentariak gatazkaren konponbidean laguntzeko espetxe politika malgutzeko eskatu izanaren inguruan, PPko kideek kontu hartuko zioten esperantza azaldu du Quirogak: «Pentsatzen dut dagoeneko Carlos Iturgaizek eta PPren Europako talde parlamentarioko bozeramaileak berak izango zutela elkarrizketa bat Engelekin eta azalpenak eskatuko zizkiotela».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzerrian bizi diren frantziarren bosgarren hautesbarrutian aurkeztuko da Manuel Valls Frantziako lehen ministroa ©CHRISTOPHE PETIT TESSON / EFE

Hautagaitza eusko-katalana aurkeztuko da Vallsen parean legebiltzarrerako bozetan

Ekhi Erremundegi Beloki

EH Baiko Garbiñe Eraso eta Unitat Catalanako Enric Balaguer izanen dira hautagaiak. RPS federazioaren izenean aurkeztuko dira, atzerriko frantziarren bosgarren hautesbarrutian.

 ©ARITZ LOIOLA / FOKU

«Galdera ez da estatua bai ala ez, baizik eta EBn nola kokatzen garen»

Jon O. Urain

Europaren Etorkizunari Buruzko Konferentzia amaitu da, eta, Filibiren ustez, EB «handitan zer izan nahi duen» erabakitzen ari da. Ez da jaso argitasun legerik, baina egokiagotzat jo du beste egokitze batzuk bilatzea.
ETAk 2011ko urriaren 20an iragarri zuen armak utziko zituela; orduko irudi bat, artxibokoa. ©BERRIA

AEBek «atzerriko talde terroristen» zerrendatik ezabatuko dute ETA

Uxue Rey Gorraiz Maddi Ane Txoperena Iribarren

Ehunka euskal herritarrek AEBetara bidaiatzeko debekua izan dute 1997tik. AEBetako Estatu Departamentuak adierazi du ez duela aldaketarik ekarriko iraganeko auziekin loturiko politiketan

Aitor Esteban, artxiboko irudi batean. ©JUAN CARLOS HIDALGO / EFE

Ikus-entzunezkoen Legeari zuzenketa sorta bat gehituko dio EAJk

Iosu Alberdi

Jeltzaleek eta Espainiako Gobernuak 45 zuzenketa txertatuko dituzte proiektuan. EITB eta euskara jarri dituzte akordioaren erdigunean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.