Albistea entzun

M5Sk eta Legak bertze akordio bat egin dute

Italiako alderdi nagusiek berriz ere Conte jurista proposatu dute lehen ministro izateko. Mattarella presidenteak onartu ez zuen Ekonomia ministrogaia EBrako arduradun proposatu dute
Giuseppe Conte lehen ministrogaia, atzo, Erroman.
Giuseppe Conte lehen ministrogaia, atzo, Erroman. ANGELO CARCONI / EFE Tamaina handiagoan ikusi

Mikel Rodriguez -

2018ko ekainak 1

Nahiz eta aste hasieran bazirudien Italiak hauteskundeak berriz egiteko bidea hartua zuela, bizi-bizi jarraitzen du bi alderdi nagusien eta Sergio Mattarella presidentearen arteko xake partidak. M5S 5 Izar Mugimenduko eta Legako liderrek bertze gobernu akordio bat egin zuten atzo; Mattarellak aitzinekoa zapuztu zien, orduan proposatutako Ekonomia ministrogaia —Paolo Savona— ez baitzuen gogoko, euroaren aurkakoa zelako. Bada, bi alderdiek aldatu egin dute Ekonomia ministrogaia, baina Mattarellari aurkeztuko dioten zerrendan mantendu dute Savona, eta ez edonolako postuan: EB Europako Batasunerako politika arduraduna izan dadin nahi dute.

«Hainbertze trabaren, erasoren, mehatxuren eta gezurren ondoren, agian prestatuta gaude azkenik», adierazi zuen atzo Matteo Salvini Legako buruak, Twitter bidez. Lau orduz elkartuta egon zen Luigi Di Maio M5Sko buruarekin akordioa ixteko, eta, bileraren ondoren, bi alderdiek ohar batean adierazi zuten gobernua osatzeko «baldintzak» bete zirela. Bi alderdiek berriz ere Giuseppe Conte jurista proposatu dute lehen ministrogai, eta bart joan zen Quirinale jauregira, Mattarellak gobernua osatzeko enkargua eman ziezaion. Contek igandean uko egin zion izendapenari, Mattarellak Savona Ekonomia ministro izendatzeari betoa paratu ondoren. Orain, Giovanni Tria ekonomista eta Erromako Tor Vergata unibertsitateko irakaslea izendatu dute kargu horretarako.

Bertze ekonomista batek, Carlo Cottarellik, bere egitekoa bukatutzat eman du oraingoz. «Azken egun honetan gobernu politiko bat lortzeko aukera gauzatu da; hortaz, ez da beharrezkoa gobernu tekniko bat osatzea, eta behera gelditu da eman zidaten agindua bertan». Mattarellak joan den astelehenean proposatu zion Cottarelliri gobernu tekniko bat osatzea, 2019ko aurrekontuak egin eta ondoren hauteskundeetara deitzeko. Ekaitz politiko bat sortu zuen horrek, M5Sk eta Legak Mattarellari leporatu baitzioten hauteskundeetako emaitzak ez errespetatzea.

PD, Mattarellaren alde

Parlamentuko lau indar nagusietatik soilik PD Alderdi Demokratak babestu zuen Mattarellaren jokaldia, baina ikusita ez zuela izanen etorkizun handirik, bertze alderdiekin bat egin zuen asteartean, hauteskundeak eskatzeko orduan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Leherketa gertatu den lekua, Batan (Ekuatore Ginea). ©Berria

Hainbat leherketak gutxienez 17 hildako eta 420 zauritu eragin dituzte Ekuatore Ginean

Berria

Batan gertatu da ezbeharra, biztanle gehien dituen Ekuatore Gineako hirian. Herrialdeko hedabideen arabera, kuartel militar batean «bolbora ontzi bilakatutako edukiontzi bat gehiegi berotu da, inguruan belarrak erretzen ari zirela eta».

Carles Puigdemont Kataluniako presidentea suplikatorioaren auziari buruko azalpenak ematen, iragan otsailaren 24an, Europako Parlamentuan. ©OLIVIER HOSLET / EFE

Puigdemont: «Belgikan geratuko naiz»

Julen Aperribai

Europako Parlamentuak etziko osoko bilkuran immunitatea kentzearen alde bozkatuko balu ere, azken erabakia Belgikako Justiziak hartu beharko lukeela azaldu du, Die Presse egunkariari emandako elkarrizketa batean. Suplikatorioaren auzia Europako Justizia Auzitegiraino eramateko prest daudela dio.

George Floyden anaia Terrence Floyd, New Yorken bere anaia omentzeko asmoz egindako ekitaldi batean. ©JUSTIN LANE / EFE

Floydi lepoa estutu zion poliziaren aurkako epaiketa hasiko dute bihar

Julen Aperribai

Bigarren graduko erailketa eta giza hilketa egozten dizkio fiskaltzak. Oihartzun mediatiko handia eragin du epaiketak, eta segurtasun neurriak gogortu dituzte Minnesotan, protesten beldurrez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna