CDRetako kide inputatuak aske jarraituko du

Joan den apirilaren 12an jarri zizkioten kautelazko neurriak errespetatzen jarraitu beharko du, baina Tamara Carrasco CDR Errepublikaren Aldeko Batzordeetako kidea aske geratuko dela baieztatu zuen atzo Espainiako Auzitegi Nazionaleko zigor aretoak. Aste Santuan Katalunian egindako protesta ekintza batzuen sustatzailea izatea leporatuta —autobideetako ordainlekuetan ez ordaintzeko kanpainaren inguruko azalpenak eta estrategiak zabaltzea—, fiskaltzak terrorismoa egoztea eskatu zuen berriro, apirilaren 12aren ostean helegitea jarri ondoren. Desordena publikoen delituarengatik dago auzipetuta Carrasco. Instrukzio epailearengana itzuli da kasua.