Albistea entzun

Presoen babesaren kontrako operazioa. Mati Iturralde. Medikua, Jaiki Hadi-ko kidea

«Borondatez ematen diegu presoei osasun laguntza, lan sozial gisa»

M. DEL VALLE / ARGAZKI PRESS

Aitziber Laskibar Lizarribar -

2015eko martxoak 26

Bere bi lankide atxilotu dituztela jakin duenetik aztoratuta dago. Albisteagatik, hedabideei erantzuten aritu delako, eta elkarteak gaur egingo duen agerraldia prestatu beharra zegoelako.

Zer da Jaiki Hadi?

Mediku, erizain, psikologo eta osasun alorreko beste profesional batzuen elkartea da. Gaixo dauden presoen jarraipena egiten dugu, eta tratamendua izan dezaten saiatzen gara.

Zein da elkartearen helburua?

Osasun eskubidea preso daudenei ere bermatzea da gure helburu nagusia. Pertsona guztiek dute osasunerako eskubidea, eta askatasuna ez izateak ez dio kalterik ekarri behar bere osasunari.

Nola egiten duzue lana?

Senideren batek esaten digunean gaixotasun bat edo sintoma batzuk agertu direla, presoekin harremanetan jartzen gara. Ez digutenez uzten haiekin egoten, gutunez egiten dugu normalean. Gaixotasunaren jarraipena egiten saiatzen gara, gomendioak eman eta diagnosietan laguntzen... Kartzelako medikuarekin hitz egiten dugu ahal bada informazioa trukatzeko, gure kezkak azaldu eta egoera nola ikusten dugun esateko. Presoaren egoeraren jarraipenerako txostenak egiten ditugu; probaren bat behar badu, eskaera egiten dugu... Azken finean, gure pazienteak dira, eta, ahal den neurrian, haien osasuna zaintzen saiatu behar dugu. Kasu larrienak jendaurrean jakinarazten ditugu, legeak agintzen dituen neurriak eskatzeko. Lan erabat publikoa egiten dugu. Espetxe Zaintzarekin harremanetan ere jartzen gara egoeren berri emateko, baita Auzitegi Nazionalarekin ere.

Laguntza medikoa boluntario gisa ematen duzue, beraz?

Guztiok gara Osakidetzako medikuak edo Osasunbidekoak; sare publikokoak gara, eta borondatez ematen diegu osasun laguntza presoei, lan sozial gisa. Psikologoen kasuan, osasun publikoak ez ditu barnean hartzen. Gainera, horiek bidaia asko egin behar izaten dituzte, batzuetan gaixo psikikoekin egoteko aukera ematen dietelako. Kasu horietan, bidaiak ordaintzen zaizkie.

Elkartekoak ez diren medikuek normaltzat hartzen dute lana?

Bai, bai. Askotan eskatzen diegu iritzia espezialistei, eta normal-normal ematen digute laguntza. Egiten dugun lana ezaguna da, normal egiten dugu, eta ez dago arazorik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gure Esku-ren aurkezpena Baionan ©Berria

Pirinioetako Bidean parte hartzera deitu dute Baionan

Ekhi Erremundegi Beloki

Ipar Euskal Herriko hainbat pertsona ezagunek babestu du Gure Esku-k Kataluniako beste plataforma batzuekin batera antolatutako ekimena

Gure Eskuren agerraldia urtarrilaren 29an, uztailaren 2ko egitasmoa aurkezteko. ©Marisol Ramirez / Foku

Aragoiko presidenteak dio uztailaren 2an ez duela onartuko «zaborrik» Pirinioetan

Jon O. Urain

Gure Esku-k eta Kataluniako eragile batzuek mobilizazioa dute uztailaren 2an; asmoa da Pirinioetako 300 bat tontor argiztatzea.

Josu Urrutikoetxea, 2020an, Parisen, BERRIArentzat ateratako argazki batean. ©Eñaut Castagnet

Espainiako Auzitegi Nazionalak epaiketarako data jarri dio Josu Urrutikoetxeari: 2024ko urtarrila

Maddi Ane Txoperena Iribarren

1987an Zaragozako Guardia Zibilaren kuartelaren aurka egindako atentatua leporatuta epaituko dute, urtarrilaren 9an, 10ean eta 11n. 2.354 urteko kartzela zigorra eskatuko diote.

Pedro Sanchez, gaur goizeko saioan, Espainiako Kongresuan. ©JUAN CARLOS HIDALGO / EFE

Sanchezek ukatu egin du Espainiako Poliziak eta Guardia Zibilak Pegasus softwarea dutela

Iosu Alberdi

Kataluniako Gobernuarekin eta ERCrekin hitz egiteko prest agertu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...