Albistea entzun

BCC Innovation, enpresei begirako gastronomiako zentro teknologikoa

Gastronomia alorreko munduko lehen zentroa da. Berrikuntzaren Euskal Sareari atxikiko zaio

Iosu Alberdi -

2018ko apirilak 19 - Donostia

BCC Innovation munduko lehen gastronomiako zentro teknologikoa inauguratu zuen atzo BCC Basque Culinary Centerrek, bere egoitzan, Donostian. BCCko zuzendari Joxe Mari Aizegaren esanetan, erakundeak emaniko pausoa «berrikuntzaren alde eginiko apustuaren» erakusle da: «Gastronomiaren bilakaerak eta eraldaketak planteatzen dituzten erronka berriei erantzun ahal izateko». Gainera, Teknologia eta Berrikuntzaren Euskal Sareari atxikiko zaio zentroa.

Proiektu berriaren ardatzak ikerketa, jasangarritasuna eta berrikuntza dira, eta hainbat helburu ditu: gastronomiaren bidez aberastasuna sortzea, enpresetan berrikuntza sustatzea eta, enpresa berrien sorrera bultzatuz, sektorearen etorkizuna bermatzea. Horretarako, besteak beste, elikadura produktu berriak sortzea izango du bere gako nagusietako bat, ondoren enpresa industrialek garatu ahal izateko.

Aizegak azaldu du BCC Fundazioa sortu zenetik «enpresekin erlazionatutako zerbait» egin nahi zutela, eta zentro teknologikoaren garapena «salto kuantitatibo eta kualitatibotzat» jo du. Proiektua aurrera eramateko, zentroak 1,2 milioi euroko aurrekontua du aurten, eta 25 langile.

BCCko I+G zentroa 40 enpresarekin aritu da elkarlanean orain arte, baina zentro berriarekin zenbakia handitu nahi dute datozen urteetan.

Egun, Eusko Jaurlaritzak 124 agenterekin egiten du lan, ikerketaren alorrean, gehienak industrialak. Horien artean kokatu da BCC Innovation, zentro teknologiko sektorial gisa. Halako zentroek hiru ardatz nagusi dituztela azaldu du Eusko Jaurlaritzako Ekonomiaren Garapenerako sailburu Arantxa Tapiak: «Bikaintasuna, espezializazioa eta begirada merkatuari jarria».

Sailburuak azaldu du 4.0 teknologia gastronomiara ere iritsi dela, eta negozio berriei begira jarri beharra dagoela: «Oso garrantzitsua da espezializazioa».

Elikaduraren katea, itxita

BCC Innovation elikadura alorreko hirugarren zentro teknologikoa izango da Araba, Bizkai eta Gipuzkoan. Tapiaren esanetan, «elikaduraren balio-kate ibilbidea» itxiko duena, era horretako zentroen ikuspuntutik.

Beste biak Neiker eta Azti dira. Neikerrek elikagaien ekoizpena lantzen du, eta Aztik eraldaketa. BCC Innovationek, berriz, elikadura eta gastronomia lotuko ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nafarroako UGTren 12. kongresua, 2021ean. ©Jesus Diges / EFE

UGTk irabazi ditu Nafarroako 2022ko hauteskunde sindikalak, ia %25eko ordezkaritza lortuta

Iñaut Matauko Rada

CCOO eta UGT dira hurrenak, %24 eta %23ko ordezka eskuratuta, hurrenez hurren. LAB %17tik gora geratu da.

Mondragon korporazioaren egoitza nagusia, Arrasaten. ©Mondragon Taldea

Mondragonen industria arloa %15 handitu zen iaz, Ulma eta Orona kontuan hartu gabe

Imanol Magro Eizmendi

Taldearen industria arloak 4.800 milioi euroko fakturazioa izan zuen, ekipamenduei eta makina-erremintari esker batez ere. «Egoera onean gaude», laburbildu du Uzinek.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

 ©Joxean Apeztegia

Nafarroako ekonomia %4,3 hazi zen 2022. urtean

Iker Aranburu

Kontsumoak bultzatuta, barne produktu gordinak gora egin du berriro urteko azken hiruhilekoan, %0,8 hain zuzen ere. Elma Saiz Ekonomia kontseilariak baztertu egin du atzeraldia, baina 2023 hasiera motela espero du.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.