Albistea entzun

«Sentikortasuna duten izaki bizidunak» dira maskotak atzotik

Hego Euskal Herrian, bikote bat banatzen denean, ados jarri ezean epaileak erabakiko du etxeko animalia norekin joango den
Txakur batzuk paseoan, Trapagaranen (Bizkaia), artxiboko irudi batean.
Txakur batzuk paseoan, Trapagaranen (Bizkaia), artxiboko irudi batean. MONIKA DEL VALLE/ FOKU Tamaina handiagoan ikusi

Irati Urdalleta Lete -

2022ko urtarrilak 6

Hego Euskal Herrian, atzotik indarrean dago etxeko animaliak sentikortasuna duten izaki bizidun gisa izendatzen dituen lege berria; orain arte, gauza bezala izendatuta zeuden. Batez ere, haien jabeak banatzen edo dibortziatzen direnetan izango du eragina legeak, baina baita etxeko animaliak galdu eta norbaitek aurkitzen dituenean ere, besteak beste. Espainiako Kongresuak Voxen aurkako botoarekin eta PPren abstentzioarekin onartu zuen Abenduaren 15eko 17/2021 legea, eta, legez ezarritako denbora igarota, indarrean dago atzotik.

Animalien ongizatea lortzeko bidean, beste hainbat lege ere onartu asmo dituzte. Espainiako Kongresuan, adibidez, Unidas Podemosek lege bat onartu nahi du animaliak arrazoirik gabe hiltzea debekatzeko eta dendetan animaliarik ez saltzeko, besteak beste. Eusko Legebiltzarrean ere animaliak babesteko lege proposamena tramitatzen ari da. Harrera zentroetan animaliak hiltzea debekatu nahi dute, baita animalien arteko borrokak eta animaliekin egiten diren zirkuetako eta ferietako ikuskizunak ere.

Atzotik indarrean den legeak, ordea, aldaketa arinagoak eragingo ditu. Hauek dira aldaketa nagusiak:

BANAKETAK

Etxeko animalia bat duen bikote bat banatzen denean, ados jartzea lortzen ez badute, epaileen esku egongo da animalia norekin egongo den erabakitzea. Erabaki hori hartzeko garaian, animaliaren eta familiako kideen ongizatea kontuan hartu beharko dute, legeak jasotzen duenez, eta epaileak haren zaintzagatik eta mantenuagatik sortutako gastuak ordainarazi diezazkioke beste jabeari.

Epaileek kontuan hartuko dute, halaber, etxeko animaliak ere mina eragiteko tresnatzat erabil daitezkeela dibortzio kasuetan. Horrenbestez, erabaki ahal izango dute umeak gurasoetako batengana ez joatea, horrek animaliari tratu txarrak eman badizkio edo hari min egingo diola esanez mehatxatzen baditu, indarkeria bikario edo indarkeria matxista modura umeen beste gurasoa kontrolatzeko edo biktima bihurtzeko helburuarekin.

GALDUTAKO ANIMALIAK

Galdutako animaliei dagokienez, aurkitzen duenak jabeari itzuli beharko dio derrigorrez, eta aukera izango du zaintzagatik edo hura sendatzeagatik izandako gastuen ordaina eskatzeko. Hala ere, salbuespen bat egongo da: tratu txarrak jasan dituen zantzuak sumatu, edo abandonatuta egotearen itxura hartzen badio, ez dio zertan itzuli jabeari, baina arlo horretan eskuduntzak dituzten agintariei jakinarazi beharko die egoera.

JABEAREN HERIOTZA

Animalia baten jabea hiltzen den horietan ere, legeak arautzen du zer egingo duten animaliarekin. Hainbat egoera zehaztuta daude. Jabeak aurrez adierazi ez badu animalia noren zaintzapean geratuko den, jabea hiltzean hura eskatzen duten senideei emango diete. Batek baino gehiagok eskatzen badute eta ez badute lortzen ados jartzea, epaileak erabakiko du norekin joango den, betiere, animalia horren ongizatea kontuan izanda; kontrara, inork ez badu animaliaren kargu egin nahi, administrazioak aukera izango du beste norbaiti emateko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz- Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu diote.

 ©Guillaume Fauveau

Antton Kurutxarri. «Aski indarrik ez dugu egin beharrekoa egiteko»

Olatz Silva Rodrigo

Euskararen Erakunde Publikoak irakaskuntzara bideratzen du indarraren zati handi bat. Lehendakariaren ustez, beste arlo batzuk jorratu beharko lituzkete.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...