Albistea entzun

GuraSOSek salatu du ez direla errausketako isuriak «etengabe» neurtuko

Gabeziaren berri emateko ezagutarazi duten agiri «konfidentzial» baten arabera, Zubietako azpiegiturarako iragarritako neurketak urriak dira
Errauste plantako obrak, artxiboko irudi batean.
Errauste plantako obrak, artxiboko irudi batean. ANDONI CANELLADA / FOKU Tamaina handiagoan ikusi

Arantxa Iraola -

2019ko otsailak 19 - Donostia

Lehen urtean, 36 ordu neurtuko dituzte; hortik aurrerakoetan, 24 ordu. GuraSOS elkarteak atzo adierazitakoaren arabera, Zubietan martxan jarri asmo duten errauste plantak isuriko dituen substantzia «toxikoenak» neurtzeko kontrolak soilik denbora tarte horietan egingo dituzte; hiruhileko bakoitzean, 6-8 ordu inguruko neurketak. Azpiegituraren gaineko kontrolerako idatzitako ingurumen zaintzarako plangintzan, hain justu, hori jartzen duela salatu dute elkarteko arduradunek, eta kezka besterik ezin dutela erakutsi horren harira. «Izan ere, urteak 8.740 ordu ditu». Agerraldi bat egin zuten atzo elkarteko ordezkariek salaketa hori egiteko, eta horren larritasunaz ohartarazteko: «Etengabe neurtzen ez bada, ezinezkoa da jarduera automatikoki geldiaraztea». Egoera egokiena «mugaz gaindiko emisioak eman orduko» neurriak hartzea litzatekeela oroitarazi zuten, baina kontrol neurri murritz horiekin ezinezkoa litzatekeela. Horretarako, hain zuzen ere, neurketa «iraunkorrak» beharko lirateke. Azpiegitura, hain justu, horiek egingo direla argudiatuz defendatu dela nabarmendu zuten, baina «faltsukeria» hori biluzi egin behar dela: «Ez da egia errauste plantak botako dituen substantzia toxikoenak modu iraunkorrean neurtuko direnik».

Herritarrei azpiegiturari buruzko informazioa ezkutatzen ari zaiela salatu dute maiz GuraSOS elkarteko arduradunek. Atzo jakinarazitako albistea horren adibide argitzat dute. Batetik, salatu zuten informazio horri «konfidentzial» izendapena eman diotela azpiegituraren sustatzaileek, eta agirian bertan, gainera, ezkutatuta dagoela argibidea: «Letra oso txikian eta dokumentu erantsi batean dago datu hori». Lehengo astean ere salatu zuten gardentasun falta; are gehiago, esan zuten «komunikazio plan konfidentzial» bat dagoela: iritzi publikoan aldeko jarrera zuztartzea luke helburu.

Teknologia onenak, iraunkorra, eragin ekonomiko positiboa... GuraSOSen arabera, tankera horretako ideiak «behin eta berriz» zabaltzearen poderioz, tapatu egin nahi dira azpiegituraren gabeziak. Horiek horrela, garrantzitsua iruditzen zaie proiektuaren kontra egitea, eta horretarako kalera irtetea. Hain zuzen ere, protesta bat dute deitua larunbat honetarako Donostian; errauste plantaren egitasmoa geratzeko eskatuko dute. Mobilizazioa «adostasunaren aldeko aldarri masibo bat» izatea nahi dute. Antiguako tuneletik abiatuko da martxa, 17:00etan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ikasle bat Hernaniko Langile ikastolan sartzen, gaur goizean ©Jon Urbe / FOKU

Arabako, Bizkaiko eta Gipuzkoako eskola publikoetan greban daude gaur

Irati Urdalleta Lete

ELA, LAB eta Steilas sindikatuek deitu dituzte langileak grebara, Eusko Jaurlaritzaren Hezkuntza Legearen aurreproiektuaren kontra egiteko. Sindikatuen arabera, jarraipena %60koa da; Hezkuntza Sailak esan du ikastetxeen %43ren datuak dituztela, eta horietan irakasleen %38,6k egin dutela greba.

Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela

Espainiako Polizia Gernikan (Bizkai), gaur, atxilotutako lagunarekin. ©EITB

Espainiako Poliziak gutxienez lagun bat atxilotu du Gernikan, «jihadismoa doktrinatzea» egotzita

Paulo Ostolaza

Auzitegi Nazionalak eman du atxiloketa agindua. Atxilotua aspaldidanik bizi zen Errenteria auzoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.