Albistea entzun

AEBek Iraken izan duten borrokarako misioa bukatu da, Bagdaden arabera

Irakeko Gobernuak esan du EIren aurka aritutako nazioarteko koalizioak herrialdean segituko duela, armada «entrenatzen eta formatzen»
AEBetako armadako soldaduak Iraken, iazko martxoan.
AEBetako armadako soldaduak Iraken, iazko martxoan. MURTAJA LATEEF / EFE Tamaina handiagoan ikusi

Igor Susaeta -

2021eko abenduak 10

EI Estatu Islamikoaren kontrako ahaleginean nazioarteko koalizioak, AEBak buru, Iraken izandako borrokarako misioa bukatu da, Irakeko segurtasun nazionalerako aholkulari Qassem al-Aarajik atzo iragarri zuenez. Duela bi urte pasa EI ofizialki garaitu ondoren, Joe Biden AEBetako presidenteak eta Mustafa al-Kadhimi Irakeko lehen ministroak joan den uztailean jakinarazi zuten aurtengo abenduaren 31rako misioa bukatutzat emateko helburu zutela. Nolanahi ere, nazioarteko koalizioak eta Irakek lankidetzari eutsiko diote aurrerantzean ere, eta, Al-Aarajik Twitterren adierazi zuenez, nazioarteko tropetako kideek «prestakuntza, aholkularitza eta formakuntza» emango diete Irakeko armadako soldaduei. Urtea amaitu aurretik egin asmo dute «trantsizioa».

Koalizioak 3.500 bat soldadu dauzka Iraken, eta AEBetako armadakoak dira horietatik 2.500 inguru. Borrokarako misioa bukatutzat jo arren, ez da espero soldadu kopurua murriztea, baizik eta haien egitekoa aldatzea. Dena den, nahiz eta ofizialki orain iragarria izan den, nazioarteko soldaduak iazko udaberritik ari dira Irakeko soldaduak entrenatzen.

Irakek erabakiaren berri eman du, AEBetako Gobernuarekin izandako elkarrizketa saileko azken bilera egin ondoren. «Iraken subiranotasuna eta nazioarteko zuzenbidea errespetatuz bermatzen da haien [nazioarteko tropen] presentzia», esan zuen segurtasun nazionalerako aholkulariak, Irakeko Ina berri agentziak jaso zuenez. Koalizioaren eta NATOren misioaren tropak «babesteko konpromisoa» hartu du, gainera, Irakeko Gobernuak. Izan ere, erasoak pairatu izan dituzte.

Irakeko eta Irakeko Kurdistango funtzionarioek zenbait hedabideri azaldu dietenez, AEBak buru dituen koalizioak Iraken jarraituko du, Irakeko armadak behar duelako, besteak beste, aire bidezko babesa EIren helburuen aurka egiteko, baita AEBek emandako armamentua zaintzeko laguntza ere.

Bost urteko borrokaren ondoren, YPG Herriaren Babes Unitateak, YPJ Emakumeen Babes Unitateak eta Siriako Indar Demokratikoek (SDF) garaitu zuten EI fronte militarrean, nazioarteko koalizioaren laguntzarekin. Azkenaldian, baina, Irak iparraldean areagotu egin dira EIren erasoak. Joan den asteburuan, esaterako, EIren kideek lau pexmerga —borrokalari kurduak— hil zituzten, Irakeko iturri ofizialen arabera. Muturreko islamistek herrixka bat bereganatu zuten, baina 24 ordu geroago, astelehenean, pexmergek eta Irakeko armadaren soldaduek berreskuratu zuten.

Bestalde, datorren astean, hilaren 18an, hain zuzen, beteko dira hamar urte Irakeko gerra ofizialki bukatu zenetik. 2003an hasi zen, AEBek herrialdea inbaditu zutenean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Dnipropetrovsk eskualdeko Marhanets hirian eraikin baten irudia, herenegungo bonbardaketaren ondoren. ©EFE

Hamahiru lagun hil dira Ukraina ekialdeko bonbardaketetan

Zuriñe Iglesias Sarasola

Eremu hondatua Zaporizhiako zentral nuklearretik hogei kilometrora dago. Energia Atomikoaren Nazioarteko Agentziak esan du ez dagoela berehalako mehatxu nuklearrik

Eskoziaren independentziaren aldeko hainbat ekitaldi egin dira urteotan. Irudian, 2018ko abuztuan Glasgown eginikoa; 35.000 herritarrek parte hartu zuten. ©EFE
 ©NOS DIARIO

«BNG izan liteke PPren alternatiba 2024ko hauteskundeetan»

Maria Obelleiro

'Nos Diario'-ri emandako elkarrizketan, Galiziako estatutuak Xuntari eta Parlamentuari ematen dizkien ahalak eta eskumenak «barrendik hustu» izana egotzi dio Beiras buruzagi nazionalistak Feijoori.
Martxo bukaeran 1.200 metro koadroko izotz plaka bat askatu zen Antartika ekialdean, eta icebergetan zatitu. ©NASA

Antartikako izotza salbatzeko, garaiz da, baina azken aukera izan liteke, zientzialarien arabera

Mikel P. Ansa

Batez besteko tenperatura bi gradu igoko balitz, munduko izotz geruzarik handiena urtzeko prozesua bizkortu egingo litzateke, eta horrek itsasoaren maila hazaraziko luke: bost metro ere haz liteke 2500erako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...