Albistea entzun

Getxophoto jaialdiak etena aldarrikatuko du, gaurtik hilaren 25era bitartean

Hainbat herrialdetako 22 sortzailek beren lanak erakutsiko dituzte beste horrenbeste erakusketatan. Aire zabalean ikusi ahalko dira gehienak
Getxoko hiru espaziotan daude ikusgai erakusketak.
Getxoko hiru espaziotan daude ikusgai erakusketak. OSKAR MATXIN EDESA / FOKU Tamaina handiagoan ikusi

Erredakzioa -

2023ko ekainak 1

Erakusketa programa zabala antolatu du Getxophoto Nazioarteko Irudi Jaialdiak bere 17. aldirako, Maria Ptqk komisario berriaren eskutik. Gaur hasi eta hilaren 25era bitarte, hainbat jatorritako 22 sortzaileren obrak izango dira ikusgai; Getxoko (Bizkaia) hiru espaziotan jarriko dituzte, gehienak aire zabalean. Eta irudion bitartez, aldarri bat ozen zabalduko dute, komisarioak azaldu duenez: «Jaialdiaren 17. aldia 'geldi, stop, etena!' esateko espazioa izango da. Korrika doan mundu honen inguruan hausnartzeko eta emankorrak ez izateko eskubidea aldarrikatzeko. Erritmoa jaisteko, moteltzeko, 'ezin dut' esateko, 'ez dut nahi' esateko».

Hain zuzen ere, Etena! hartu du aurtengo lelotzat festibalak, eta, komisarioak esandakoaren bidetik, kontzeptu horri buruz pentsatzera eraman nahi ditu ikusleak. «Zer esan nahi du ezer ez egiteak? Zer beste denbora irabazten dugu denbora galtzen dugula ematen duenean? Zein da irudien eginkizuna kasu honetan? Gelditzea bihurrikeria ekintza bihurtu da, eta horregatik gonbidatu nahi zaitugu hainbeste behar dugun Etena! hori eskatzera».

Udalerriko hiru espaziotan jarriko dituzte erakusketak: Algorta erdigunean, Ereaga hondartzako pasealekuan eta Itzulbatzetako kultur etxean. Suitza, Japonia, Maroko, Ekuador, Mexiko, Brasil, Argentina, Erresuma Batua eta Greziako artisten lanak ikusgai izango dira horietan. Askotariko gaiak hartu dituzte hizpide sortzaileek, baina, jaialdiak jakinarazi duenez, «mezu ekologista sakona» dute proiektuetako askok, hala nola Mitsutoshi Hanaga argazkilari japoniarrarenak eta Lucas Bambozzi artista brasildarrarenak, besteak beste.

Erakusketekin batera, solasaldiak, bisita gidatuak, aurkezpenak, esku hartzeak, proiekzioak, tailerrak eta gaueko ibilbideak ere izango dira Getxophoton.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

<b>Joachim Lafosse zuzendaria —ezkerretik bigarrena— eta <em>Un silence</em> filmeko aktoreak, atzo.</b> ©JAGOBA MANTEROLA / FOKU

Lotsak eraginiko isiltasuna

Mikel Lizarralde Ainhoa Sarasola

Pedofiliaren gaiari heldu dio Joachim Lafossek 'Un silence' filmean. 'La práctica' eta 'MMXX' lanak ere aurkeztu dituzte Urrezko Maskorra irabazteko lehiaketan
'The Killer' filmeko irudi bat. ©Donostiko Zinemaldia

David Fincherren 'The Killer' izanen da emanaldi sorpresako filma

Berria

Larunbatean emanen dute, Viktoria Eugenia antzokian. Filmeko argazki zuzendari Erik Messerschmidtek aurkeztuko du.

 ©MAIALEN ANDRES / FOKU

«Umiltasun osoz diot, baina uste dut aktore jaio nintzela»

Jone Bastida Alzuru

Sagarzazu 1976an aritu zen aurrenekoz zineman, Juanmi Gutierrezek 'Balantzatxoa' antzezlana egokitu zuenean, eta, ordutik, 40 urteko ibilbide oparoa egin du aktore donostiarrak. Haren lana aitortu eta omenduko dute Zinemira sariarekin.

Godarden <em>Film annonce du film qui n'existera jamais: 'Drles de guerres'</em>. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.