Albistea entzun

Donostiako 69. Zinemaldia. Sail Ofiziala

Pelikula baten atzetik

Zhang Yimouren 'Yi miao zhong / One Second' filmarekin hasi da Donostiako 69. Zinemaldiaren Sail Ofizialeko lehia. Carlos Saurak zuzendutako labur bat ere eman dute inaugurazioan, lehiaz kanpo
Zhang Yimouren filmaren fotograma bat.
Zhang Yimouren filmaren fotograma bat. DONOSTIAKO ZINEMALDIA Tamaina handiagoan ikusi

Ainhoa Sarasola -

2021eko irailak 18 - Donostia

Zinema omentzen duen film batekin hasi da Donostiako 69. Zinemaldia. Zhang Yimou zuzendari txinatarrak Yi miao zhong / One Second erakutsi zuen Kursaaleko pantaila handian, atzo goizean eginiko emanaldian. Harekin abiatu zen Urrezko Maskorra lortzeko Sail Ofizialeko lehia. Aurretik, halaber, eta lehiaz kanpo, Carlos Saura zinemagile aragoiarraren Rosa rosae. La Guerra Civil film laburra ere proiektatu zuten. Edukiera murrizketak gorabehera, publikoak lepo bete zuen aretoa, eta txaloz hartu zituen bi lanak emanaldiak bukatzean.

Txina ipar-mendebaldeko paisaia mortu batean, dunetan gora eta behera oinez doan gizon baten irudiekin hasten da Zhangen filma. Bakarrik doa, ihesi dabil, eta zerbaiten bila ari da. Iraultza Kulturalaren garaiak dira, eta lan esparru batetik ihes egitea lortu du. Helburu bakarra du buruan: film bat ikustea. Aurkitu egin beharko du aurrena, ez baita edozein film bilatzen duena. Eta topatu du halako batean, herri txiki batera iritsi denean. Baina ezusteko gertakari batek dena korapilatuko du, filma ostu egingo baitu neska batek. Arrazoi ezberdinengatik biek gutiziatzen duten bobina preziatuaren atzetik ibiliko dira protagonistak. Haien istorioen bidez, eta narrazioaren beste zenbait hariren bitartez —film bat ikusteko elkarlanean aritzen den herri osoarena, tartean—, zinema omentzen duen lana osatu du Zhangek, zinema komunitate-esperientzia gisa ere aldarrikatzen duena.

Zuzendariak ezaguna du Zinemaldia, Epaimahai Ofizialeko burua izan baitzen 1997an, eta urteotan haren hainbat lan erakutsi baitituzte Perlak sailean, hala nola Huozhe / To Live (1994), You hua hao hao shuo / Keep Cool (1997), Ying xiong / Hero (2003) eta Shi mian mai fu / The House of Flying Daggers (2004). Edonola, orain arte ez zen sekula Urrezko Maskorra lortzeko lehian izan. Errodaje bat tarteko, Zhang ezin izan da Donostian izan.

Gerra, haurren begietatik

Carlos Saurak, berriz, argazkiak, irudiak eta marrazkiak sortu edo berreskuratu, eta itxuraldatu eta filmatu egin ditu, sei minutuko lan baten bidez 36ko gerra haur baten begietatik kontatzeko. Izan ere, gerrako haurrei eskainitako pieza da. Jose Antonio Labordeta zenak bere ahotsarekin janzten ditu zuri-beltzeko irudiak filmean, Rosa Rosae abestia kantatuz.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Aitor Mendiluze eta Amets Arzallus, atzo, elkarrekin kantuan, hamarreko txikiko ariketan. ©MARISOL RAMIREZ / FOKU

Ez da ate ondoan geratu

Miren Mujika Telleria

Amets Arzallusek Bilbon irabazi ondoren, erabakita gelditu da finala. Harekin batera ariko dira Illarregi, Ibarzabal, Gaztelumendi, Colina, Mendiluze, Martin eta Lujanbio
<em>Titanic Rising</em> diskoan abiatutako bidean segitzen du Weyes Blood-ek disko berrian. ©BERRIA

Dirdira iluntasunean

Mikel Lizarralde

Folkaren eta pop barrokoaren artean mugitzen diren kantuen bitartez, Weyes Bloodek gaur egungo ajeetan arakatu du 'And In The Darkness, Hearts Aglow' diskoan.

Soinu txikia XIX. mendearen amaieran hedatu zen Euskal Herrian. ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.