Albistea entzun

Izena eman beharko da Araba Euskaraz-en parte hartzeko

Laudioko ikastolak antolatuko du festa. «Egoerara egokitutako egun bat» prestatu dute, ibilbiderik eta kontzertu handirik gabe
Araba Euskaraz-en egitarauaren aurkezpena, atzo, Laudion.
Araba Euskaraz-en egitarauaren aurkezpena, atzo, Laudion. ARITZ LOIOLA / FOKU Tamaina handiagoan ikusi

Irati Urdalleta Lete -

2021eko ekainak 2

Kontzertu handirik gabe, ibilbiderik gabe... Koronabirusak baldintzatutakoa izango da 2021eko Araba Euskaraz ere. Laudioko ikastolak antolatuko du, eta «egoerara egokituta» egongo dela ziurtatu zuen Aiara Murga bertako lehendakariak, atzo egitaraua aurkezteko egin zuten agerraldian: «Egoerara egokitutako egun bat antolatu dugu; berrasmatu beharra nagusitu da antolakuntzan». Ekainaren 20an egingo dute, Zabal bideak lelopean, eta, parte hartzeko, aurrez izena eman beharko da Araba Euskaraz-en webgunean.

Bi gune handi izango ditu jaiak: euskararen plaza —herrigunean— eta euskararen basoa —parkean—. Horietan, txokoak atonduko dituzte, eta hainbat ekintza jarriko dituzte aukeran: Gora kasete ikuskizuna, dantza emanaldia, zumba tailerra, Maider Zabalegiren kontzertu akustikoa, tailerrak eta jolasak, sukaldaritza ikastaroa, ihes gela, karaokea... Horiez gain, 41 postuko azoka ere egingo dute Laudioko institutuko jolastokian, eta tonbola bat jarriko dute Lamuza plazan.

Eskola txikien festarik ez

Pandemia tarteko, bertan behera utzi behar izan dute Gipuzkoako Eskola Txikien Festa. Aizarnan (Zestoa) ziren aurten egitekoak, baina uste dute egoera ez dagoela horretarako moduan. Horren ordez, «herrira begirako ekitaldi xume bat» egingo dute ekainaren 13an, «egoerak eskatzen dituen segurtasun neurriak beteta». Gainera, egun horretan bertan pasatuko diete lekukoa datorren urtean eskola txikien aldeko festa antolatzeaz arduratuko direnei, Errezilgo eskolako kideei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hainbat herritar Hendaiako hondartzako pasealekuan, artxiboko irudi batean. ©Guillaume Fauveau

Bihartik, Ipar Euskal Herrian ez da maskararik jantzi beharko kanpoaldean

Uxue Rey Gorraiz

Igandetik aitzina, ez da etxeratze agindurik izanen. Aldaketa espero baino lehenago sartuko dira indarrean, uztailaren 1ean espero baitzen bertan behera gelditzea.

Konstituzio Kontseluaren ebazpena salatzeko protesta egin zuten Baionan, maiatzaren 29an. ©Bob Edme

Konstituzio Kontseiluak murgiltzea onetsi du Seaskan, baina ez sare publikoan

Oihana Teyseyre Koskarat

Maiatzean emandako ebazpenari buruzko xehetasunak eman ditu, murgiltze ereduaren inguruan.

Espainiako presidente Pedro Sanchez, gaur, kongresuan. ©Txema Moya, EFE

Sanchez: «Laster utziko diogu kalean maskara erabiltzeari»

Uxue Rey Gorraiz

Espainiako Gobernuko presidente Pedro Sanchezek azaldu du COVID-19aren kontrako txertaketa kanpainaren abiada «egonkortu» egin dela.

Iruñeko Rio Taberna, ostatuen barnealdea atzera irekitzea baimendu zen egunean. ©Iñigo Uriz, FOKU

Nafarroak edukierak eta ordutegiak zabalduko ditu zenbait sektoretan

Uxue Rey Gorraiz

Ordubete atzeratuko da ostalaritza lokalen barnealdeen itxiera ordua; gauerdira arte izaten ahalko dira zabalik, gehienez %50eko edukiera erabilita. Kultur jardueretarako, %60n zehaztu dute muga. Neurriak ostiralean sartuko dira indarrean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna