Albistea entzun

Senperen izanen da Seaskaren bosgarren kolegioa

Senpereko Herriko Etxeak 10.000 metro karratuko lur eremu bat proposatu die. 2023ko ikasturterako ireki beharko lukete
Dominique Idiart Senpereko auzapeza, Herri Urrats Ttipian.
Dominique Idiart Senpereko auzapeza, Herri Urrats Ttipian. BOB EDME Tamaina handiagoan ikusi

Ekhi Erremundegi Beloki -

2021eko azaroak 10

Urteetako ahaleginaren ondotik, Seaskak bosgarren kolegioa izanen du. Senperen (Lapurdi) hartuko du leku, eta, zabaldutako informazioaren arabera, 2023ko ikasturterako ateak ireki beharko lituzke. Berrehun bat ikasleri harrera egiteko eremua izanen litzateke hartan. Seaskak, momentuko, ez du sartu nahi zehaztasunetan, «dena eraikitzekoa delako», baina Peio Jorajuria lehendakariak BERRIAri baieztatu dio Senpereko Herriko Etxeak 10.000 metro karratuko lursail bat proposatu diela kolegioa eraikitzeko. Horretarako, hirigintza plana egokitu beharko dute orain.

Ipar Euskal Herriko ikastolen federazioak urtarrilean jakinarazi zuen bosgarren kolegioa irekitzeko xedea zuela. Giltzarri izanen da euskarazko hezkuntza hauspotzeko eta eskaria asetzetik hurbilago egoteko, ikasgeletan kabitu ezinik baitira orain. Azken urteetan, ikasle emendatze handia izan da Seaskako ikastoletan, Lehen Mailan nagusiki, eta «uholde» hori kolegioetara iritsi da. Seaskak lau kolegio ditu egun. Larzabaleko (Nafarroa Beherea) Manex Erdozaintzi Etxart kolegioa berritzeko lanak iazko udaberrian bukatu zituzten, Kanboko (Lapurdi) Xalbador kolegio historikoa 2013an handitu zuten, eta Estitxu Robles Arangiz kolegioa 2017an ireki zuten, Baionan. Ziburuko (Lapurdi) Piarres Larzabal kolegioa da laugarrena. 300 ikaslerentzat pentsatua da, baina 329 ditu egun, eta ondoko urteetan handituz joanen dela aurreikusten dute.

Horregatik plazaratu zuten bosgarren kolegioa «lehenbailehen» irekitzeko beharra. Bi eremutan aritu dira proiektua lantzen: Azkaine eta Senpere (Lapurdi) inguruan, eta Lapurdi barnealdean, Hazparneko eskualdean nagusiki. Azkenean, Senpereko Herriko Etxearekin lortu dute akordioa, baina proiektu guzia antolatzekoa dute oraindik.

'Boga' kanpaina

Koronabirusak eragindako pandemiak baldintzaturik, Seaskako ikastolek ez zuten antolatu ahal izan Herri Urrats festa 2020an, eta aurten ere hutsik gelditu ziren Senpereko aintziraren inguruak maiatzeko bigarren igandean. Hala ere, dirua biltzeko kanpaina bat abiatzeko baliatu zuten, eta 30 besta txiki antolatu zituzten Lapurdi, Nafarroa Behere eta Zuberoako ikastoletan, eguna markatzeko. 300.000 euro biltzea eman zuten helburu, baina Herri Urrats egunerako erdia besterik ez zuten kausitu. «Kolegio baten eraikitzea milioiak kostatzen da», ohartarazi zuen Jorajuriak, proiektua aurkeztu zutenean. Seaskaren gainerako eraikuntzentzat bezala, erakunde publikoen parte hartzea ezinbestekoa izanen da.

Bosgarren kolegioaz gain, beste proiektu bat ere bazuen Seaskak: 38. ikastola irekitzea, Bardozen (Lapurdi). Frantziako Konstituzio Kontseiluak Molac legea desegin ondoan hizkuntza gutxituen irakaskuntza «antikonstituzional» bilakaturik ere, aurtengo ikasturtearen hasieran harrera egin diete lehen ikasleei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iaz migratzaile gehiago heldu ziren EAEra, joan zirenak baino ©Iñigo Uriz / Foku

3.500 pertsona baino gehiagoko migrazio saldo positiboa du EAEk

Isabel Jaurena

Eustatek jakinarazi duenez, immigranteen eta emigratzaileen erdiak baino gehiago 40 urtetik beherakoak eta gizonezkoak dira.

Termometro bat, artxiboko irudi batean. ©Andoni Canellada / FOKU

Euskal Herria alertan da tenperatura beroengatik

Nagore Arin

Araban, Bizkaian eta Gipuzkoan alerta horia ezarri dute; Nafarroan ere bai, eta Ipar Euskal Herrian, berriz, alerta laranja. Bihar gora egingo dute termometroek.

Industriaren efizientzia energetikorako foroa sortzeko eskatu du Txibitek

Industriaren efizientzia energetikorako foroa sortzeko eskatu du Txibitek

Iñaut Matauko Rada

Madrilek hartutako neurri energetikoak babestu ditu lehendakariak. Nafarroako Gobernuak ekarpenak egingo dituela iragarri du
Hondartzetako dutxetako ura guztiz moztu dute Urdaibain, lehorte garaian ura aurrezteko; irudian, Sukarrieta hondartza, atzo. ©ARITZ LOIOLA / FOKU

Urdaibai, ur premian

Iraia Vieira Gil

Aurtengo beroaldiek lehortea eragin dute, eta ur mozketak indarrean dira jada leku batzuetan. Urdaibain, herritarrek neurriak nabaritu dituzte: besteak beste, hondartzetako dutxetako hornidura moztu dute, eta gauez etxeko uraren presioa ere murriztu dute. Gainera, Bermeora ura itsasontziz garraiatzen hasi dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...