Albistea entzun

Prokuradoreak dei egin du Parot askatzearen kontra

Auzitegiak baldintzapeko askatasunaren alde egin du. Uztailaren 23an «Ipar Euskal Herria blokeatzeko» deia egin dute Bakegileek
Bakegileek eginiko protesta, herenegun.
Bakegileek eginiko protesta, herenegun. BOB EDME Tamaina handiagoan ikusi

Iñaki Etxeleku - Iosu Alberdi -

2022ko ekainak 17

Bake Bideak jakinarazi duenez, Kondenen Aplikaziorako Auzitegiak Ion Kepa Parot euskal presoa baldintzapean askatzea onartu du, baina PNAT Terrorismoaren Kontrako prokuradoreak dei egin du erabakiaren aurka. «Beste behin ere, PNATaren itsutasun sektarioak, euskal auziaren berezitasuna kontuan hartzen ez duen segurtasun ideologia batean sarturik, Ionen baldintzapeko askatasunaren aldeko TAPAT Kondenen Aplikaziorako Auzitegiaren erabakiak sortu itxaropena zapuztu berri du», kritikatu dute.

Bake Bidearen esanetan, helegitea aurkeztu izana «ulertezina» da, eta «are jasanezinagoa» kontuan izanda «71 urte dituen eta bizitza erdia presondegian pasatu duen eta bere askatasunak inongo arriskurik ondorioztatzen ez duen presoarekiko jazarpen sentimendua bereganatzen duelako». Jarrera horrek «bukaera tragiko bat» izateko arriskuak areagotzen dituela uste du.

Taldeak uste du Frantziako presidente Emmanuel Macronek eta haren gobernuak ez dutela Euskal Herriko «bake prozesua kontuan hartzen». Hala, estatuburuari zuzendu zaio «gaia berehala bere gain har dezan politikoki». Hari eskatu diote «Euskal Herriko hautetsiek eta gizarte zibilak daramaten dinamika eraikitzailea» laguntzeko: «Jendarteak hamarkada luze honetan erakutsi du etorkizuna bere gain hartzeko gaitasuna duela, pixkanaka-pixkanaka, bake iraunkorra lortzeko baldintzak sortuz esparru demokratiko batean». Kontrako bidea jorratuz gero, estatuak «euskal gizartearengan duen umiliazio sentimendua» areagotuko dela gehitu du Bake Bideak.

Desobedientzia

Erantzun falta ikusita, uztailaren 23an «Ipar Euskal Herria blokeatzeko» deia egin dute Bakegileek: «Frantziako Gobernuaren inertziaren aurrean, eta fiskal antiterroristaren karmintasunaren aitzinean, mobilizazio fase berri batera pasatzea erabaki dugu». Ekintza «indartsuagoak, determinatuagoak eta desobedientzia zibilekoak» egingo dituzte. Aurten, besteak beste, A-63 autobidea blokeatu dute, eta Miarritzeko (Lapurdi) Frantziako zergen egoitza eta Baionako auzitegia okupatu dituzte.

Uztailaren 23ko deialdiarekin bat egin du Sortuk ere. Alderdiak «onartezintzat» jo du prokuradorearen jarrera; «estatu mendeku» gisa kalifikatu du. Azken hilabeteetako mobilizazioei erreferentzia eginez, azaldu du «gizarte eragileen eta herritarren gehiengoak» bat egiten duela Parot eta Jakes Esnal euskal presoen askatasunaren aldeko aldarrikapenekin: «Gehiengo horren nahia errespeta dezala exijitzen diogu Frantses Estatuari».

Parotek 32 urte daramatza preso, eta Mureteko kartzelan da (Okzitania, 425 kilometro). Baldintzapeko askatasuna eskatzen duen seigarren aldia da. Maiatzean aztertu zuen afera Parisko auzitegiak, baina prokuradorea kontra agertu zen. Bere abokatuak «etsigarritzat» jo zuen haren jarrera, «Ipar Euskal Herriko egoera nola aldatu den ikusirik».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sare Herritarrak antolatutako manifestazioa, Bilbon. ©Jaizki Fontaneda / Foku

Baldintzapean aske geratu da Jesus Mari Gomez euskal presoa

Iosu Alberdi

Gomezek 22 urte eta erdi egin ditu espetxean. 2021eko irailetik hirugarren graduan zegoen.

'Mozal legearen' aurkako protesta bat Gasteizen, iazko otsailean. ©Jaizki Fontaneda / Foku

'Mozal legea' aldatzeko txostenak aurrera egin du, ERCk bide emanda

Jon O. Urain

Espainiako Kongresuko Barne Batzordean eztabaidatuko dute gaiaz, baina orain arteko testuak aurrera egin du desadostasunak dauden lau puntuetan ados jarri gabe.

Ikasle Abertzaleen agerraldia, atzo, Gasteizen. ©BERRIA

IAk salatu du 34 ikasleri espedientea irekiko dietela

Berria

Manifestazio bat egingo dute otsailaren 16an Gasteizen, besteak beste, EHUn «kontrol soziala amaitu» dadin

<em>Mozal legearen</em> aurkako protesta bat, iazko otsailean. ©ELOY ALONSO / EFE

'Mozal legearen' erreforma ahalbidetzeko eskatu die PSOEk EH Bilduri eta ERCri

Xabier Martin - Jon O. Urain

Gaur batzartuko da Herritarren Segurtasunerako Espainiako Legea aldatzeko lantaldea. EH Bilduk ez du onartuko erreforma «light» bat

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.