Noiz sortua: 2020-02-07 00:30:00

Eraldatzen ari den bluesa

StarBlues taldeak beste estilo batzuetara ireki du errepertorioa 'Hitz gatibuak' bigarren diskoan
Mikel Atxega, Jon Barreros eta Yon Labaien, asteartean, Donostian eginiko aurkezpenean.
Mikel Atxega, Jon Barreros eta Yon Labaien, asteartean, Donostian eginiko aurkezpenean. GORKA RUBIO / FOKU Tamaina handiagoan ikusi

Mikel Lizarralde -

2020ko otsailak 7
Blues musikak egitura eta konpas jakinak dituen arren, StarBlues taldea ahalegindu da Hitz gatibuak (Gaztelupeko Hotsak) bigarren diskoan molde hertsietatik ihes egiten eta, bere estiloa kodifikatuta egon arren, lantzen duen proposamenari bestelako ukitu batzuk ere gehitzen. «Beti egitura berak erabiltzea aspergarria egiten zaigu», azaldu du Jon Barreros abeslari eta gitarristak. 2010ean sortu zuten taldea, Ordizian (Gipuzkoa), eta, aldaketa batzuk egin ostean, Barrerosek, Mikel Atxega baxu jotzaileak —Urko Ruiz de Apodakaren lekua hartu du—, Yon Labaien pianista eta hammond jotzaileak eta Fermin Etxeberria bateria jotzaileak osatzen dute gaur egun laukotea.

StarBluesek 2016an argitaratu zuen Gu Geu estreinako diskoa, eta, 2018aren amaiera bitartean, lan hartako piezekin aritu ziren batean eta bestean jotzen. Orduan, baina, Ruiz de Apodakak taldea uztea erabaki zuen, eta, Atxega sartzean, kantu berriak konposatzen hasi ziren. «Lehen diskoan bospasei urtean egindako piezak jaso genituen, baina, lan berrirako, propio sortu genituen kantuak». Hori dela eta, urtebeteko epean sortutako abestiek osatzen dute Hitz gatibuak, eta Barrerosek uste du lan berriak aurrekoak baino ñabardura gehiago dituela: «Blues kutsu hutsa duten kantuak gutxi dira, eta gehiago nabaritzen dira latin, rock, jazz eta funk ukituak».

Izan ere, abestiak entzuten dutenaren ondorioa direla adierazi du kantariak, eta hori nabaritu egiten dela diskoaren soinu paletan. Stevie Ray Vaughn, Robert Ford eta Jimi Hendrix aipatu ditu Barrerosek maite dituen gitarristen artean, eta Jimmy Smith eta Ray Charles pianistak Labaienek. «Horien guztien eragina geureganatzen dugu», aitortu du teklistak.

Diskoa Beasaingo (Gipuzkoa) Pottoko estudioan grabatu zuten, Fredi Pelaezekin. Musika beltzari lotutako hainbat proiektutan ibilitakoa da Pelaez, eta StarBluesek diskoan lortu duen soinuaren arduradun nagusia hura izan dela esan du Barrerosek: «Guk eramandako ideiei etekin handiagoa atera die, eta batzuetan 360 graduko buelta eman die». Bi asteburutan grabatu zuten denek elkarrekin, eta, ondoren, moldaketa batzuk gehitu zizkieten kantuei.

Zentsuraren aurka

Diskoko kantuetan «denaz» hitz egiten dutela esan du Barrerosek, baina Hitz gatibuak-en, esaterako —diskoaren izenburua ez ezik, kantu batena ere bada—, zentsuraren aurka ari direla. «Orain dela urtebete pasa, S.A., Su Ta Gar eta Def Con Dosekin lotutako albisteak hasi ziren irteten... pentsatzen zutena esateagatik. Eta sortzailearen ahoa ixtea ez zaigu gustatzen». Badira salaketa kutsu nabarmena duten beste kantu batzuk —Nortzuk dira? izenekoan politikariez ari dira; Otsoarekin solasa-n eta Zure jabe-n, genero indarkeriaz—, baina baita musikaren beraren indarra lehen planora ekartzen dutenak ere. Zerua ukituz-ek, adibidez, Hondarribiko Blues Jaialdian (Gipuzkoa) jo zuteneko esperientzia «ahaztezina» dakar gogora, eta Nada más que blues, berriz, blues talde batean jotzeaz ari da.

Orain diskoa zuzenean aurkezteko asmoa dute, eta, oraingoz, bi data dauzkate lotuta; aurrenekoa, gaur bertan, beren herrian.

KONTZERTUAK
Gaur. Ordiziako Delikatuz aretoan, 19:30ean.
Martxoak 28. Legazpiko Karibe Zaharren.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna