Telesailak

Politikaren lezioak

Danimarkako 'Borgen' da Europa iparraldeko telesailen kalitatearen adibide sonatuena
BERRIA Tamaina handiagoan ikusi

Ander Perez Zala -

2018ko apirilak 28

Urteak dira Europa iparraldeko herrialdeek sortzen dituztela telesailik interesgarrienak. AEBetako monopolioaren eta istorioak kontatzeko eta garatzeko estiloaren aldean, herrialde horien produktuek ikuspuntu sakonagoa helaraztea lortu dute, istorio original eta aberatsen bidez. Hainbat dira adibideak, baina urteotan nazioartean sona handia izan dutenen artean nabarmendu da Danimarkako Borgen telesail politikoa. Entretenigarria da, beharrezko erritmoa du, eztabaidarako auziak helarazten ditu, eta, politikaz ari den arren, gai horiek tratatzeko moduak eskuragarri bilakatzen du edozein ikuslerentzat.

Birgitte Nyborg da protagonista, egun batetik bestera Danimarkako lehen ministro bilakatzen dena; hain justu, kargu hori hartzen duen lehen emakumea da. Alderdi Moderatuko politikaria da, eta haren ondoan izango du Kasper Juul alderdiko prentsa arduraduna. Beste aldean, hedabideen rola erakusten du telesailak: Katrine Fonsmarken figurak ordezkatzen du. Botere politikoa lortzeko bideari buruzko telesaila da Borgen, baita bidean egindako sakrifizioei eta horiek dakartzaten ondorioei buruzkoa ere. Demokraziaren arauak, interesen arabera horiek bete ala ez... gai eta auzi aberatsek osatzen dituzte telesailaren atalak.

Maila handiko telesaila da Borgen. Antzezlanez eta indarraz gain, azpijokoek eta istorioek bilakatzen dute erakargarri. Danimarkako politikaren egunerokoan jartzen du arreta telesailak, eta eguneroko gaiak eta gatazkak hartzen ditu oinarritzat, 2010 eta 2013 artean emititu eta ekoitzi zuen herrialdeko kate publikoak; fikzioa den arren, bere iturri nagusia errealitatea izan zen.

Hori da bere puntu indartsuetako bat, pertsonaiek eta istorioek errealitatea erakusten baitute, eta erraz izaten baita ikuslearentzat agertzen diren egoerak imajinatzea. Are gehiago, errealitateko egoera batzuetan gertatu beharko liratekeen ondorioak erakusten ditu. Lezio bat da egungo politikarentzat, eta ikusi beharreko produktua egungo politikarientzat.

Errealitatearekin lotura

Horrez gain, ikusleak egunerokoan dituen edota izan dituen eztabaidak aurkezten ditu, baita politikan izandakoak ere, eta frogatzen du Europa iparraldeko herrialdeetan beste maila batean daudela gai batzuei aurre egiterakoan: etika eta ustelkeria politikan, eta elkarrizketaren eta akordioen kultura politikan. Eta, gauza guztien gainetik, lana eta familia bateragarriak ote diren, bizitza pribatua eta publikoa bateragarriak ote diren, herrialde bateko lehen ministro izandakoan.

Telesaila abiatu eta urtebetera hartu zuen Danimarkan lehen ministro kargua Helle Throning-Schmidtek. Telesaileko protagonistak bezala, koalizio zail bati esker lortu zuen boterera iristea, eta, bere lehen egunetik aurrera, konparazioak saihetsezinak bilakatu ziren. Herritarren %83rentzat, telesailak herrialdeko errealitate politikoa era ezin hobean islatu zuen, eta %70entzat, politikariak gizatiartzearen ondorio da arrakasta. Tartean nazioarteko telesail onenaren Bafta saria lortu zuen.

'BORGEN'

Sortzailea: Adam Price.

Aktoreak: Sidse Babett Knudsen, Birgitte Hjort Sorensen, Johan Philip Asbæk, Mikael Birkkjær, Freja Riemann, Emil Poulsen.

Herrialdea: Danimarka.

Urteak: 2010-2013.

Non ikusi: Movistar+.

Atal bakoitzaren iraupena: 58 minutu. 30 atal, hiru denboralditan banatuak.

Generoa: Drama. Politika.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna