Albistea entzun

Larunbateko blokeorako prestatzen ari da Ipar Euskal Herria

Eragile anitzek mezuak zabaldu dizkiete erabiltzaileei, Bakegileek larunbaterako iragarri duten ekintzak eraginen dituen trabez abisatzeko
Bakegileek Miarritzeko ordainlekua blokeatu zuten apirilean.
Bakegileek Miarritzeko ordainlekua blokeatu zuten apirilean. BOB EDME Tamaina handiagoan ikusi

Ekhi Erremundegi Beloki -

2022ko uztailak 21 - Baiona

«Bake Bidea mugimenduak jakinarazi duenez, nahasmenduak izanen dira errepide zirkulazioan uztailaren 23an. Segurtasunagatik, aireportura iristeko nahikoa denbora aurreikus ezazue». Miarritzeko aireportuaren webgunean irakur daiteke mezu hori. Sarako leizeetan eta Larhungo trenean (Lapurdi) erreserbak bertan behera utzi dituzte larunbaterako; iristen direnentzat irekiak izanen dira, hala ere. Euskal Hirigune Elkargoak jakinarazi du egokitzapenak eginen dituela hainbat zerbitzutan —hondakinen bilketan, Txik Txak garraio sarean, igerilekuetan...—, eta Andre Garreta Baionako Merkataritza eta Industria Ganberako lehendakariak ere mezua helarazi die Ipar Euskal Herriko enpresaburuei, mugimenduak aurreikusi eta neurriak har ditzaten. «Bake prozesuaren alde mobilizatuak diren Bakegileak eta Bake Bidea kolektiboek iragarri dute bideak blokeatuko dituztela», dio mezuan.

Gatazka konpontzeko prozesuan Frantziako Gobernuarekin duten «blokeo egoera» gainditzeko, desobedientzia ekintza erraldoia aurreikusia dute Bakegileek larunbat honetarako. Ipar Euskal Herriko errepide sarea blokeatzeko asmoa dute, eta herritarrei dei egin diete masiboki parte har dezaten. «Tentsioa sortu nahi dugu, atentzioa gureganatzeko», adierazi zuen Anaiz Funosas Bake Bideko presidenteak ekintza iragarri zutenean, eta hala erran zuen atzo ere Euskadi Irratian. Baina ez zuen xehetasunik eman nahi izan blokeatuko dituzten guneei buruz. Hamar lekutara deitu dituzte herritarrak, 10:00etatik aitzina blokeatzeetan parte hartzeko; Lapurdiko kostaldean dira gehienak, baina Donibane Garazin eta Maulen ere badira deialdiak.

Baina ez dute inor ezustean harrapatu nahi. Azken asteetan, komunikazio lan handia egin dute herritarrak abisatu eta ekintza esplikatzeko, Ipar Euskal Herriko hautetsi, erakunde eta arlo anitzetako eragileei dei eginez. Horietako anitzek mezuak helarazi dizkiete erabiltzaileei. Bakegileek ere jaso dituzte deiak informazio eske.

Sorturen deia

Eragile batek baino gehiagok bat egin du Bakegileen mobilizazioarekin, hala nola LDH Giza Eskubideen Ligak. Atzo, protestan parte hartzera deitu zuen Sortuk. «Bizi guztiko kartzela zigorren etetea eskatzearekin batera, Jon eta Jakesen askatasuna aldarrikatzen dugu», adierazi zuen Haimar Altuna Sorturen Nazio Kontseiluko kideak. «Herri honetan benetako bake eta elkarbizitza demokratikoko agertoki bat eraiki ahal izateko, ezinbestekoa da kartzelak hustu eta berriro beteko ez direla ziurtatzea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antonio Caño 2018an, 'El Pais' egunkarik zuzendari zenean. Don Mitxelen albiste faltsua sinistu duenetako bat da. ©Fernando Villar / EFE

Arralderi buruzko txio batek agerian utzi du albiste faltsuen ahalmena

Paulo Ostolaza

Fikziozko herri horretako udalak Miguel Angel Blancoren hiltzailea seme kutun izendatu duela idatzi du Twitterreko Don Mitxel erabiltzaileak. Besteak beste, Daniel Lacalle ekonomialariak eta Antonio Caño El País-eko zuzendari ohiak sinistu eta zabaldu dute mezua.

Iruñeko zezen plaza, uztailaren 14ko arratsean. ©Iñigo Uriz, FOKU

Aske utzi dituzte Mutilzarra peñaren salaketaren harira Iruñean atxilotuak

Uxue Rey Gorraiz

Poliziak bost lagun atxilotu zituen atzo, uztailaren 14an Iruñeko zezen plazan izandako istiluekin lotuta. Aske dira, baina epaileak deklaratzera deituko ditu. Gorroto delitua egozten diete. Mutilzarraren arabera, hainbat pertsonak eraso egin zieten peñako zenbait kideri.

 ©IDOIA ZABALETA / FOKU

«Torturak erabat baldintzatu du ihes egiteko erabakia»

Maddi Ane Txoperena Iribarren

1960tik gaur egun arte arrazoi politikoengatik ihesean bizi izan diren euskal herritarren historiak bildu dituzte Doraik eta Pratek 'Bestaldean' liburuan. Nabarmendu dute askotarikoak direla bildutako bizipenak.
Foro Sozialaren agerraldi bat, uztailean. ©Monika del Valle / Foku

Foro Sozialak «etsigarritzat» jo du Sekretu Ofizialen Legea aldatzeko proposamena

Iosu Alberdi

Kritikatu du aurreproiektuak biktimen «birbiktimizazioan» sakontzen duela. Moncloari eskatu dio inbestidurako blokearekin akordioak lortzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...