Albistea entzun

Fiatek Frantzian aurkitu du aspaldi bilatzen zuen bazkidea: Peugeot

Bat egiteko negoziazioak aste gutxi barru amaitu nahi dituzte. Autoen elektrifikazioak dakartzan kostuak partekatzea da operazioaren xedea
PSA Peugeot Citroen eta FCA Fiat Chryslerren ikurrak.
PSA Peugeot Citroen eta FCA Fiat Chryslerren ikurrak. EFE Tamaina handiagoan ikusi

Iker Aranburu -

2019ko azaroak 1

Ezkontide bila eta bila ari zen Fiat Chrysler (FCA), desesperazio apur batekin, autogintzaren elektrifikazio prozesuak bakarrik eta indarge harrapatuko zuen beldur baitzen. Frantzian bilatu du gehien, eta han aurkitu du. Renaultek aldarean utzi zuen iaz, aitabitxi boteretsu batek —Frantziako Estatuak, akzioen %15en jabea— azken orduko eragozpenak plazaratu zituelako. Halakorik ez da gertatuko bigarren ezkontidearekin, PSA Peugeot Citroenekin. Oraingoan, aitabitxia- ren onespena du ezkontzak —Frantziak PSAren %12,2 du—.

Asteazken arratsaldean eman zuten loturaren berri, eta atzo egin zuten ofizial. Zeremoniak itxaron beharko du, ordea, ezkontzaren xehetasunak negoziatu behar dituztelako «hurrengo asteetan». Printzipioz, berdinen arteko ezkontza da, konpainia berriaren erdibana izango dutelako PSAk eta FCAk. Baina berdin-berdinak ez direla ulertu dute inbertsiogileek: FCAren akzioak %8,2 gora egin zuen, eta %12,8 behera PSArenak. Beste hitz batzuetan, merkatuak uste duela PSA indartsuak FCA ahulagoa erosi duela. Hala da burtsan: PSAk gehiago balio duenez, 5.500 milioi euroren ordainketa bat jasoko dute FCAko akziodunek, eta frantziarrek saldu egingo dute Faurecia osagaien enpresan duten zatia (%46).

Burua, PSAko Tavares

Irudipen hori indartu egiten du talde berriko buruzagi izateko PSAko kontseilari ordezkaria hautatu izana, Carlos Tavares. Presidentea, berriz, FCAko John Elkann izango da, Agnelli familiakoa, Fiaten sortzailea eta akziodun nagusikoa. Egoitza Herbehereetan izango du talde berriak —han dago FCA, zerga kontuengatik—, baina enpresa Frantziatik, Italiatik eta AEBetatik gidatu nahi dute.

Zailtasun franko pasatutakoak dira PSA eta FCA. Frantziarrak porrot egiteko zorian izan ziren, 2014an, baina Frantziako Gobernuaren eta Dongfeng txinatarraren esku hartzeak salbatu zituen, eta urte onak izan ditu orduz gero. Fiatek ere estutasun asko pasatu ditu, eta, gaur egun, adar estatubatuarrari esker da errentagarria —2009an erosi zuen Chrysler taldea—.

Baina autogintza iraultza teknologiko baten atarian dago, elektrifikazioarena. Eta iraultza horretarako prestatuagoa dago PSA, jada ari baita bere teknologia propioarekin autoak merkaturatzen. Atzeratuta doa Fiat —2020erako agindu du lehen modelo elektrikoa—, eta badu beste harlauza bat du gainean: EBk milioi askotako isuna ezarri ahal dio, ez delako gai izango CO2 isurien muga zorrotz berriak betetzeko.

Fabrika itxierarik ez

Bat eginda, dirutza aurreztu dezakete motor elektrikoen garapenean —3.700 milioi, gehienak lehen urteetan—. Horrek, noski, kaleratzeak eragin ditzake, eta horren beldur dira, Italian batez ere, Fiatek han dituen fabrika batzuetan erdizka ari direlako lanean. Frantziako eta Italiako gobernuek ohartarazi dute «arretaz» begiratuko dutela talde berria. Fabrika itxierarik ez dela izango agindu dute autogileek.

Bat egitea gauzatuko balitz, munduko autogileetan laugarrena osatuko lukete —8,7 milioi auto, iaz—, eta Europan lidergoa jokatuko lukete VW taldearekin. Alemaniarrek merkatuaren %24,3 izan dute urteko lehen bederatzi hilabeteetan, %22,6, berriz, PSAren (%16,4) eta FCAren (%6,2) batuketak. Baina gauzak are parekatuago leudeke furgonetak ere zenbatuz gero, arlo horretan indartsu baitira biak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ertzaintzak eragindako zaurietako batzuk. / ©LAB Ezkerraldea

Ertzaintzak lau grebalari zauritu ditu metalgintzako piketean

Imanol Magro Eizmendi

Arteako Pekos Fabricacion lantegiaren aurrean izan da oldarraldia. Sindikatuek elkarretaratzera deitu dute 17:00etarako, indarkeria gaitzesteko.

Prentsaurrekoaren ostean LABek egindako argazkia, Adegiren egoitzaren atarian. ©BERRIA

Bizitzaren garestitzeari aurre egiteko hitzarmenaren alde borrokatuko da LAB Gipuzkoako metalean

Iñaut Matauko Rada

Abenduaren 31n iraungiko da Gipuzkoako metalgintzako hitzarmena, eta LABek prentsaurrekoan adierazi du sektoreak dituen beharrei aurre egingo dien hitzarmen baten alde borrokatuko dela.

Artxiboko argazkia. ©Marisol Ramirez / FOKU

Langile bat hil da Berriobeitiko Saint Gobain Abrasivos enpresan

Iñaut Matauko Rada

Lanera sartzen ari zela, ondoezik sentitzen hasi da 56 urteko langilea, eta hil egin da.

Anton Arriola, Kutxabankeko lehendakari berria. ©Kutxabank.

Kutxabankek presidente berria du, baina ez du aldatuko estrategia nagusia

Iker Aranburu

Anton Arriola durangarrak ordezkatu du Gregorio Billalabeitia. Kutxabanken «berezitasunari» eta errotzeari eutsiko diola ziurtatu du presidente berriak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.