Adarra saria Berri Txarrak-i

Taldeak ekainaren 21ean jasoko du saria, Donostian. Kontzertua ere emango du egun horretan
Ezkerretik eskuinera, Galder Izagirre, Gorka Urbizu eta David Gonzalez, 2017ko argazki batean.
Ezkerretik eskuinera, Galder Izagirre, Gorka Urbizu eta David Gonzalez, 2017ko argazki batean. DONOSTIA KULTURA

Amagoia Gurrutxaga Uranga -

2019ko maiatzak 21
Donostia Kulturak Berri Txarrak musika taldeari emango dio aurtengo Adarra Saria, seigarrena. Atzo jakinarazi zuten erabakia. Juan Gonzalez Andres kazetariak, Etxepare Institutuko zuzendari Irene Larrazak eta Donostia Kulturako Jaione Askasibarrek osatutako batzordeak musika taldearen «ibilbide artistiko eta profesionala» eta Euskal Herrian zein atzerrian «publikoarengan duen eragin izugarria» hartu ditu kontuan, prentsa oharrean zehaztu dutenez: «Berri Txarrak-en emanaldiek arrakasta handia izan dute herrialde askotan, eta taldeak milaka jarraitzaileri eskaini dizkie kontzertuak bost kontinenteetako agertokietan».

Horrez gain, jakinarazpenean nabarmendu dutenez, kontuan hartu dute, gainera, taldeak musikarekiko eduki duen dedikazioa eta euskal kulturarekiko izandako «ardura eta errespetua».

David Gonzalezek (baxua), Galder Izagirrek (bateria) eta Gorka Urbizuk (ahotsa eta gitarrak) osatzen dute Berri Txarrak taldea. Ez ditu beti kide berak izan, baina. Lekunberrin (Nafarroa) sortu zutenean, 1994an, Aitor Goikoetxea (bateria), Mikel Lopez Rubio (baxua) eta Aitor Oreja (gitarra) zituen Urbizuk taldekide. Mende laurdeneko ibilbidean, zortzi disko eta disko hirukoitz bat eman dituzte argitara, eta iazko abenduan jakinarazi zuten «etenaldi mugagabea» egingo zutela beren ibilbidean. Ordutik, Ikusi Arte Agur biran ari dira, sarrerak berehalakoan agortuz eta neurri guztietako aretoak betez.

Kontzertua ere bai

Ekainaren 21ean jasoko du Berri Txarrak-ek Adarra saria, eguerdian, Donostiako alkatearen eskutik. Kontzertua emango du egun bereko 20:00etan, Viktoria Eugenia antzokian. Gaur bertan jarriko dituzte salgai kontzertu horretarako sarrerak, 11:30ean, Viktoria Eugenia bertako eta Antzoki Zaharreko leihatiletan eta www.donostiakultura. eus/sarrerak webgunean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna
S: