Albistea entzun

Bilboko Arte Ederren Museoa handitzeko lanen lehen harria jarri dute

Hamabosna milioi euro jarriko dituzte Bilboko Udalak, Bizkaiko Aldundiak eta Eusko Jaurlaritzak; museoa 2024 amaierarako nahi dute zabalik
Bilboko Arte Ederren Museoa handitzeko lanen lehen harria jartzen, atzo.
Bilboko Arte Ederren Museoa handitzeko lanen lehen harria jartzen, atzo. OSKAR MATXIN EDESA / FOKU Tamaina handiagoan ikusi

Iñigo Astiz -

2022ko azaroak 18 - Bilbo

Irulegiko eskuaren aurkikuntzaren berri ematen duten egunkari azalen sorta bat izango dute oinarrian Bilboko Arte Ederren Museoa handitzeko lanek, BERRIArena ere tartean dela. Atzo egin zuten Norman Foster eta Luis Maria Uriarte arkitektoek diseinatutako Agravitas proiektua hasteko lehen harria jartzeko ekitaldi sinboliko eta solemnea, eta albiste hori hautatu dute agintariek harriarekin batera lurperatutako kutxan sartzeko. Beraz, ofizialki hasiak dira lanak, eta 2024 amaierarako bukatuta egongo dira, Miguel Zugaza museoko zuzendariak zehaztu duenez.

«Eraikuntza bat egiteko lanen hasiera beti da garrantzitsua», adierazi du Fosterrek ekitaldiaren osteko hitzaldian, «baina, kasu honetan, erakunde honen iraganeko ondarea eta etorkizuneko museoa lotzen ari gara». Eta, aldaketaz aldaketa, «hiria bezala», museoa ere «etengabe berregiten» dela azaldu du. Harekin batera, Eusko Jaurlaritzako, Bizkaiko Aldundiko, Bilboko Udaleko eta BBK enpresako ordezkariak izan dira ekitaldian.

1945. urtean altxatutako eraikin zaharrak eta 1970. urteko eraikin modernoak osatzen dute Bilboko Arte Ederren Museoa egun, eta bi horien gainean pausatuko den zubi moduko bat da Fosterren eta Uriarteren proiektua. Museoak 6.800 metro koadro irabaziko ditu horri esker, eta eskulturak jartzeko baliatuko duten terraza bat ere izango du aurrerantzean.

Eusko Jaurlaritzak, Bizkaiko Aldundiak eta Bilboko Udalak 45 milioi euro jarriko dituzte museoa handitzeko lanetarako: hamabosna milioi. Baina datuak dantzan aritu dira proiektua aurkeztu zutenetik.

Aurrekontua 18,6 milioi eurokoa izango zela iragarri zuen Bilboko Arte Ederren Museoak hasieran. Eraikin gehigarri baten erosketa ere txertatu zioten gero proiektuari, eta, beraz, aurrekontua handitu zuten, 24, 5 milioiraino. Museoa suaren aurka babesteko asmoz Bilboko Udalak proposatutako esku hartzea gehitu zitzaion gero kopuru horri, eta 29,5 milioi eurokoa bihurtu zen proiektua.

Lanak nork egingo

Kopuru horrekin, ordea, enpresarik ez zen aurkeztu obrak adjudikatzeko lehiaketara, eraikuntza materialen garestitzearen eraginez, eta 34 milioira igo zuten aurrekontua. Eta museoko arduradunek datu hori berretsi zuten atzo. Zehazki, 33.944.603 euroko aurrekontua dute handitze lanek.

Kopuru horri finantza gastuak, lizentziak, eta obrak irauten duten aldirako beste eraikin baten erosketa gehitu, eta hala heltzen da 45 milioira. Urbelan S.A., Altuna y Uria S.A., Campezo Obras y Servicios eta Teusa Tecbucas de Restauracion S.A. enpresek aldi baterako enpresa elkartea osatu dute handitzea egiteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gaztetxo talde bat, atzo goizean, Durangoko Azokako ateak irekitzeko zain. ©MARISOL RAMIREZ / FOKU

Galdera olde bat ateei bultzaka

Andoni Imaz

Ehunka gazte izan dira Durangoko Azokako Ikasle Goizean, eta haiek ekarri dituzte azokaren itzulerako lehen pilaketak. Kontzertuetan eta tailerretan ere parte hartu dute gazteek
Aurten, 248 erakusmahai jarri dituzte guztira Landako gunean, eta 930 nobedade daude bertan salgai. ©MARISOL RAMIREZ / FOKU

Eta azkenik argia?

Itziar Ugarte Irizar-Iñigo Astiz

Itxaropentsu daude liburu eta disko saltzaileak aurtengo Durangoko Azokak har dezakeen itxurarekin. Azken bi urteak gorabeheratsuak izan direla diote, eta izan da 2020. eta 2021. urteak «hekatonbetzat» jo dituenik ere
Atzoko irekiera ekitaldiko irudietako bat. ©MONIKA DEL VALLE / FOKU

Nerea Mujika: «Bi urte beldurgarriren ondoren, ospakizun garaia iritsi da»

I. Astiz

Gerediaga elkarteko kideek eta ordezkari politikoek «poza» adierazi dute irekiera ekitaldian, Durangoko Azokak ohiko itxura berreskuratzeagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...